Bujnoha minskaha zabudoŭščyka pryznali bankrutam
3.02.2025 / 16:42
Ekanamičny sud Minska pryznaŭ bankrutam zabudoŭščyka «HałoŭIndustryjaBud», vynikaje z Adzinaha dziaržaŭnaha rejestra źviestak ab bankructvie. Taksama ŭ dačynieńni da firmy zapuścili likvidacyjnuju vytvorčaść.
Handlova-zabaŭlalny centr Green Time, pabudavany kampanijaj «HałoŭIndustryjaBud» Fota: 2-tc.by
Kampanija «HałoŭIndustryjaBud» viadomaja na rynku kamiercyjnaj nieruchomaści z 2013 hoda. Jana śpiecyjalizavałasia na prajektavańni i budaŭnictvie handlovych centraŭ u Minsku i rehijonach, kiravała pabudavanymi abjektami, pradavała handlovyja pamiaškańni i zdavała ich u arendu.
Tak, naprykład, kampanija pabudavała ŭ 2022 hodzie handlova-zabaŭlalny centr Green Time u Minsku i płanavała da 2025 hoda pabudavać handlovy centr «Salar» u Homieli.
Letaś kampanija sama padała zajavu ab bankructvie.
Firmaj vałodaje Illa Šyłkoŭ, jaki pryniaŭ rašeńnie ab jaje likvidacyi. U pracesie vyśvietliłasia, što kampanija vinnaja kredytoram 3,2 młn rubloŭ, a dastatkovaj majomaści, za košt jakoj možna pakryć takuju sumu daŭhoŭ, nie maje.