U rasijskim Dahiestanie kot užo bolš za 7 hadoŭ žyvie na mahile svajho haspadara
4.02.2025 / 11:7
Chadziža ŭpieršyniu zaŭvažyła kata ŭ 2018 hodzie, kali pryjšła na mahiłu da starejšaha brata i na adnoj ź inšych mahił zaŭvažyła žyviołu.
Svajaki raspaviali dziaŭčynie, što za niekalki miesiacaŭ da hetaha tam byŭ pachavany haspadar kata, paśla čaho jon pasialiŭsia na mahile svajho haspadara, piša Baza.
Pa słovach dziaŭčyny joj stała škada kata i jana zabrała jaho da siabie dadomu. Kali kot pajeŭ i paspaŭ, jon pačaŭ prasicca na vulicu.
Kali jana vypuściła kata, jon pabieh na tuju ž samuju mahiłu.
Z tych časoŭ kot uvieś čas žyvie mienavita tam. Miascovyja nazvali jaho Chacika, a taksama pastajanna prynosiać jamu ježu.
Praz pastajannaje žyćcio na vulicy pad śnieham i daždžom žyvioła časta chvareje. Ciapier u jaho raźviłasia pnieŭmanija, ad vilhaci zhniło vucha.
Taksama ŭ kata sapsavanyja zuby i piačonka. Chadziža adniesła kata da vieterynaraŭ. Zaraz jaho lečać u adnoj z klinik Machačkały, ale ŭ bližejšy čas płanujuć adpravić na lačeńnie ŭ Sankt-Pieciarburh.
Ciapier kot uvieś čas znachodzicca ŭ kisłarodnaj kamiery — bieź jaje jon zadychajecca. U Pieciarburhu katu pavinny pralačyć nyrki i paśla hetaha, kali jamu stanie lepš, žyviołu płanujuć addać novym haspadaram, jakija pahadzilisia dahladać jaho.