Druhuju achviaru vybuchu ŭ Maskvie nie mohuć apaznać. Mahčyma, heta nie achoŭnik aŭtaryteta z DNR, a sam padryŭnik
4.02.2025 / 17:35
Padčas vybuchu, jaki adbyŭsia 3 lutaha ŭ žyłym kompleksie «Punsovyja vietrazi» ŭ Maskvie, zahinuli dva čałavieki. Heta prarasijski kryminalny aŭtarytet z Danbasa Armen Sarkisian i jašče adzin čałaviek. Jaho asobu nie mohuć vyznačyć užo druhi dzień.
Kadry ź miesca vybuchu
Jak tłumačyć infarmavany rasijski telehram-kanał «VČK-OHPU», tvar i cieła zahinułaha mužčyny mocna paškodžanyja. Na nazie ŭ zahinułaha namalavany mieč — i mienavita pa hetaj tatuiroŭcy jaho sprabujuć apaznać.
Pa źviestkach kanała, mienavita ŭ jaho znachodziłasia bomba, jakaja ŭzarvałasia ŭ momant, kali Sarkisian razam z achovaj prachodziŭ mima mužčyny.
Niezrazumieła, ci zahinuły byŭ śmiarotnikam, ci jaho vykarystoŭvali ŭciomnuju.
Kadry ź miesca vybuchu
U suviazi z vybucham rasijskaja palicyja šukaje mužčynu 35-45 hod, z rostam 170-175 sm, ź ciomnymi vałasami. Takaja fihura trapiła na kamieru videanazirańnia. Mahčyma, jon dystancyjna pryvioŭ bombu ŭ dziejańnie.
Raniej rasijskija ŚMI paviedamlali, što byŭ paranieny achoŭnik Sarkisiana 49-hadovy Aleh Kaśpirovič — były namieśnik kamandzira krymskaha śpiecnaza, jaki ŭ 2014 hodzie pierajšoŭ na bok Rasii.
Armen Sarkisian viadomy jak arhanizatar bandaŭ «citušak», jakija palavali na ŭdzielnikaŭ Jeŭramajdana va Ukrainie. Taksama jon suzasnavalnik «Armianskaha bataljona» («Arbat»), jaki ź leta 2024 hoda vajuje ŭ Kurskaj vobłaści na baku Rasii. Fota: sacsietki