Biełaruskaja palityčnaja emihrantka lacieła ŭ Hruziju na samalocie, jaki ekstranna pasadzili ŭ Iranie
6.02.2025 / 10:0
Ale stać Ramanam Pratasievičam joj nie daviałosia.
Maršrut samalota Air Arabia z pramiežkavym pryziamleńniem u Šyrazie. Skrynšot: Flighradar24.com
Biełaruska, jakaja ciapier žyvie za miažoj i z palityčnych mierkavańniaŭ nie viartajecca ŭ Biełaruś, 4 lutaha lacieła z Abu-Dabi (stalicy AAE) u hruzinski Tbilisi.
U samalocie stała drenna adnamu z pasažyraŭ, na borcie nie akazałasia doktara, a da punktu pryznačeńnia było jašče dźvie hadziny palotu. Tamu piłotu pryjšłosia sieści ŭ najbližejšym miescy — u iranskim horadzie Šyrazie.
«Čałavieka źniali z rejsa i adpravili ŭ miascovuju balnicu. Pamiežniki ŭ samalot nie zachodzili, tolki miedyki. My z samalota nie vychodzili», — raskazała dziaŭčyna.
Fota: asabisty archiŭ
Kali samalot siadaŭ, pasažyram nie skazali, u jakim horadzie jany apynulisia. Internetu nie było, tamu sprabavali zrazumieć, dzie pryziamlilisia, pa kartach, jakija pierahruzilisia ŭ telefonie. Pryčym biełaruska paličyła, što ŭ aeraporcie Tehierana, stalicy Irana.
«Było nie vielmi kamfortna. I krychu niervova, tamu što my nie viedali, ci buduć zachodzić pamiežniki ŭ sałon», — kaža biełaruska.
Ale pasažyraŭ pry ekstrannaj pasadcy ŭ Šyrazie ŭ vyniku nie praviarali. Paśla taho, jak čałavieka zabrali ŭ balnicu, samalot palacieŭ dalej u Tbilisi.