U Minsku pačaŭsia zavočny sud nad karnikam Sierafinovičam
6.02.2025 / 10:36
Symonu Sierafinoviču (Sierafimoviču) vystaŭlena abvinavačańnie pa 14 epizodach — karnych apieracyjach, usiaho jon abvinavačvajecca ŭ źniščeńni bolš za čatyry tysiačy čałaviek. Chto taki Symon Sierafinovič — karnik ź Mira, jakoha chočuć sudzić paśmiarotna
Symon Sierafinovič — karnik ź Mira. Fota: Stefan Rousseau — PA Images/PA Images via Getty Images
Viarchoŭny sud Biełarusi siońnia prystupiŭ da razhladu kryminalnaj spravy ŭ dačynieńni da Siamiona Sierafimoviča, jaki abvinavačvajecca ŭ hienacydzie biełaruskaha naroda.
Jak paviedamiŭ žurnalistam dziaržaŭny abvinavaŭca Alaksandr Dziamidaŭ, Sierafimoviču pradjaŭlena abvinavačvańnie ŭ zabojstvie bolš za čatyry tysiačy čałaviek na akupavanaj terytoryi BSSR.
Sudziać mužčynu, jaki padčas vajny kiravaŭ palicyjaj u Miry i Baranavičach, zavočna i paśmiarotna. Jon pamior u 1999 hodzie ŭ Vialikabrytanii.
Heta ŭžo treci zavočny sud za hienacyd. Raniej tak byli paśmiarotna asudžanyja Uładzimir Katruk i Kanstancin Smoŭski.