Śviet

Kanał u Arhiencinie afarbavaŭsia ŭ tryvožna-čyrvony koler FOTAFAKT

Kanał Sarandzi, jaki praciakaje ŭ adnym z pryharadaŭ Buenas-Ajresa, niečakana nabyŭ jarka-čyrvony koler, što vyklikała tryvohu siarod miascovych žycharoŭ, piša Bi-bi-si.

Fota: Rodrigo Abd / AP

Kanał upadaje ŭ raku Rya-de-ła-Płata, jakaja znachodzicca pobač z zapaviednikam.

Miascovyja žychary miarkujuć, što kampanii, raźmieščanyja ŭ pryharadzie stalicy Arhienciny, skidajuć u kanał adkidy. Adna z žančyn raskazała žurnalistam, što raniej užo bačyła ŭ kanale vadu roznaha koleru, u tym liku błakitnaha.

Miascovyja ŚMI miarkujuć, što padobnaje afarbavańnie mahło adbycca praz skid chimičnych adchodaŭ abo tekstylnych farbavalnikaŭ.

Hetaja viersija ŭžo paćvierdžana miascovymi ŭładami. U probach vady, jakija byli ŭziatyja na analiz, vyjavili anilin — rečyva, što vykarystoŭvajecca ŭ vytvorčaści farbavalnikaŭ, lekaŭ i palimieraŭ.

Kamientary da artykuła