Stałone premijavali za zabojstva brata
16.01.2007 / 8:19
Fantastyčny bajavik "Sudździa Dred"
Stałone nosić Versače i zabivaje brata-mutanta...
Hanarovy Remba Sylvestar Stałone dobra siabie adčuvaje ŭ fantastyčnych bajevikach. U postapakaliptyčnaj karcinie «Sudździa Dred» hieroj Stałone źjaŭlajecca Sudździom, palicejskim i karnikam u adnoj asobie – zhodna z zakonami tahačasnaha hramadztva.
U dalokim pryšłym ziamla pieraŭtvaryłasia ŭ atrutnuju pustyniu. Ludzi žyvuć u haradoch, dzie panuje niečuvanaja złačynnaść. Hieroja Stałone niespraviadliva abvinavačvajuć u złačynstvie – i vykidajuć za miežy horadu. Były sudździa Dred zmahajecca ź dzikunami i vykryvaje zmovu z hienetyčnym eksperymentam, achviaraj čaho jon sam i źjaŭlajecca. Pa chodu pryjšłosia zasudzić i novaznojdzienaha brata-mutanta…
«Sudździa Dred» – bajavik z hodnym uzroŭniem stralaniny j dziejańnia. Daścipnyja amerykancy vyłučali Stałone na premiju «Załataja malina» – za najhoršuju rolu ŭ filmie. Ale ci važny Stanisłaŭski dla bajevika? Amataram fantastyki daspadoby čyścinia žanru, admysłovyja efekty j hrym.
A futurystyčnyja kaściumčyki Sudździaŭ – ad Džani Versače.
ZŠA, 1995, kalarovy, 95 chv.
Režyser: Deni Kenan
Roli vykonvajuć: Sylvestar Stałone, Armand Asante, Dajen Łejn, Rob Šnajder, Jurhien Prachnoŭ, Maks fon Siudaŭ
Žanr: Fantastyčny bajavik
Adznaka: 5 (z 10)