«Zahana na ekspart»
Piaśniar mutacyj daśleduje invaziju čužoj kultury – i dvaistuju pryrodu čałavieka.
Zahana na ekspart / Uschodnija abiacańni (Eastern Promises)
Vialikabrytanija – Kanada – ZŠA, 2007, kalarovy, 100 chv.
Režyser: Dejvid Kronenberh
Roli vykonvajuć: Naomi Ŭots, Viha Mortensen, Vensan Kasel, Armin Miuler-Štal, Ježy Skalimoŭski, Šyned Kjusak, Džezef Ełcin, Mina E.Mina
Žanr: Kryminalnaja drama
Pryzy: Pryz hladackich sympatyj Dejvidu Kronenberhu na MKF u Taronta
Adznaka: 6,5 (z 10)
Na Kalady niepaŭnaletniaja, pra jakuju nichto ničoha nia viedaje, hinie ŭ londanskim špitali, naradziŭšy dzicia. Na rukach u akušerki Hanny (Naomi Ŭots) zastajecca niemaŭla – i dziońnik pamierłaj, jaki pryvodzić hierainiu ŭ hniazdo ruskaj mafii…
Piaśniar mutacyj Dejvid Kronenberh chaładnavata j žorstka daśleduje invaziju čužoj kultury – i dvaistuju pryrodu čałavieka. Kali hieroi “Skaneraŭ”, “Muchi”, “Videadromu” pakutavali na cialesnyja transfarmacyi j mentalnyja katastrofy, to achviaraj “Uschodnich abiacańniaŭ” stajecca horad.
Čyrvonyja, čornyja, biełyja vantroby restaracyi, brunatna-ślizkaja nabiarežnaja, dzie topiać trupy, sterylna-ŭtulnyja pakoi siaredniaj klasy – i šokavy svajoj šarahovaściu kryminalny pobyt.
Histeryčny złačynny “prync” Vensan Kasel, padkałodna-łaskavy “karol” Armin Miuler-Štal – i manumentalny Viha Mortensen, jaki jość zusim nia tym, kim zdajecca. U kožnaha z hierojaŭ – dvajnoje dno, i tatuiroŭki na skury nia skažuć praŭdy.
Chacia ad razmalavanaha Mortensena šarachalisia ruskija emihranty, karcinu papraknuć u “etničnych” niedakładnaściach. Mienavita ŭ Kronenberha Mortensen syhraŭ svaje najlepšyja (i ryzykoŭnyja!) roli. Film sastupaje papiaredniaj “Historyi hvałtu” – ale jość admietnaj źjavaj na biełaruskich ekranach.
U kryminalnaj dramie majstra choraru strymany – ale sceny, jakija jon padrychtavaŭ hledaču, vy nie zabudziecie.
Seansy ŭ kinateatry “Pieramoha” .
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku25
Kamientary