Videa z maci dobraachvotnika HUBAZiK vykłaŭ u svoj telehram-kanał.
Siłaviki śćviardžajuć, što žančyna nibyta sama paprasiła zapisać zvarot. Ale z ulikam taho, što jany časta prymušajuć ludziej kazać na kamieru toje, što im treba, heta vyklikaje vialikija sumnieńni.
U videa žančyna prosić syna Jarasłava viarnucca ŭ Biełaruś ci ŭ Litvu, dzie jon pracavaŭ da taho, jak zapisaŭsia ŭ połk Kalinoŭskaha. A taksama źviartajecca da jaho znajomych, kab dapamahli synu «adumacca».
«Nie ryzykuj ni svaim žyćciom, ni maim zdaroŭjem», — kaža žančyna.
Siłaviki akazvajuć cisk na rodnych dobraachvotnikaŭ. Tak, Siarhieja Frančuka, stryječnaha brata pradstaŭnika štaba pałka Kalinoŭskaha Vadzima Kabančuka, asudzili na 3 hady kałonii pa niekalkich artykułach. Niadaŭna siłaviki prychodzili da baćki dobraachvotnika z pazyŭnym «Zubr» — toj zajaviŭ im, što zhodny z synam i, kali b moh, sam pajechaŭ by vajavać. Na dziaržkanałach raspaŭsiudžvali taksama videa z mamaj kalinoŭca z pazyŭnym «Oskar», dzie jana asudžaje dziejnaść syna — toj ličyć, što jaje prymusili ahavaryć jaho.
Stryječnaha brata pradstaŭnika štaba pałka Kalinoŭskaha Siarhieja Frančuka buduć sudzić druhi raz zapar
HUBAZiK pryjšoŭ da baćki adnaho ź biełaruskich vajaroŭ va Ukrainie. Mužčyna zajaviŭ vizicioram, što zhodny z synam i, kali b moh, sam pajechaŭ by vajavać
Dobraachvotnik-«kalinoviec» «Oskar»: Dumaju, mamu prymusili mianie abhavaryć
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku20
Kamientary