Raskazvajem, što za jon i jak siamiejstva takich dronaŭ moža ŭpłyvać na vajnu.
U pačatku krasavika 2024 hoda ministr ličbavaj transfarmacyi Ukrainy Michaił Fiodaraŭ u svaim telehram-kanale apublikavaŭ videa z padryvam mostu ŭ siale Ivanaŭskaje na Bachmuckim napramku. Ministr paviedamiŭ, što heta zrabiŭ dron-kamikadze Ratel S.
Videa demanstruje, jak bieśpiłotnik jedzie ŭzdoŭž pola boju z reštkami padbitaj techniki i nyraje ŭ adtulinu, jakaja viadzie pad most. Paśla čaho vidać vialiki vybuch.
Pa słovach ministra, vajskoŭcy vykarystoŭvajuć Ratel S jak mabilnuju bojehałoŭku, jakaja niasie supraćtankavyja miny abo bajavy modul. Dron pracuje dystancyjna: apieratar moža ź biaśpiečnaha miesca atakavać tanki i blindažy praciŭnika.
Ale heta nie adzinaja funkcyja hetaj sieryi dronaŭ. Jak adznačaje jaho vytvorca, robat moža vykarystoŭvacca jak kamikadze, minior, pieravozčyk i evakuatar ci słužyć retranślataram.
Dron maje elektramator, jaki nie stvaraje šumu. Jon moža pieramiaščacca z maksimalnaj chutkaściu 24 km na hadzinu i pracavać biez padzaradki da dźviuch hadzin. Zapas chodu dasiahaje 10 kiłamietraŭ. Jaho kiravańnie ažyćciaŭlajecca apierataram z pulta ŭ radyusie 1500 mietraŭ ci 3 km z retranślataram.
Na borcie drona znachodzicca kamiera dla nazirańnia i pramoha kiravańnia im.
Śpiecyjalizavanaja viersija Ratel S u viersii kamikadze pryznačana śpiecyjalna dla paražeńnia fartyfikacyj, inžyniernych zbudavańniaŭ i braniatechniki.
Pry vazie 60 kh hety robat zdolny nieści karysnuju nahruzku masaj da 35 kiłahramaŭ. Heta mohuć być naviasnyja zarady, ustalavanyja na vierchniaj častcy korpusa drona.
Ratel S źjaŭlajecca madyfikacyjaj naziemnaha bieśpiłotnika Ratel M — hruzavoha kalosnaha drona, jaki pieršapačatkova stvaraŭsia dla padvozu bojeprypasaŭ i vady dla vajennych, a taksama evakuacyi paranienych z pola boju.
Ratel M padymaje vahu da 250 kh, moža pracavać ad akumulatara 8 hadzin uletku abo 5 hadzin uzimku. Maksimalnaja dalnaść kiravańnia składaje 6 km. Poŭny pryvad i vialikija koły dazvalajuć dronu pieraadolvać pieraškody na šlachu.
Akramia taho, na samachodnuju płatformu možna ŭstalavać abstalavańnie dla raźminiravańnia supraćpiachotnych min, što robić bolš biaśpiečnaj pracu sapioraŭ na poli boju.
I heta jašče nie ŭsio. Inžyniery navučyli Ratel M źbivać rasijskija FPV-drony.
Akramia lohkich dronaŭ, kampanija-vytvorca taksama vyrablaje ciažkija kołavyja drony Ratel H, zdolnyja transpartavać da 1400 kiłahramaŭ hruzu.
Jany pryznačany dla šmatmetavaha vykarystańnia: transparciroŭka hruzaŭ ci bojeprypasaŭ na pazicyi, evakuacyi paranienych. Taksama na samachodnuju płatformu možna ŭstanavić dadatkovyja techničnyja srodki, naprykład, REB abmiežavanaj dalnaści.
Čytajcie jašče:
Ukraina zmoža atakavać Urał i Zapalarje. Drony ŭžo na padychodzie
Rasija z-za sankcyj nie spraŭlajecca ramantavać NPZ, paškodžanyja Ukrainaj
Ukrainskija dalnabojnyja drony majuć sistemu naviadzieńnia jak u kryłatych rakiet
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku11
Kamientary