Stała viadoma, suprać kaho ŭ Biełarusi ES uvioŭ novyja sankcyi

Rada ES 16 śniežnia dapoŭniła sankcyjnyja śpisy novymi fizičnymi asobami i kampanijami ź Biełarusi.

Pad sankcyi trapiŭ łahistyčny apieratar TAA «VŁATE Łahistyk», jaki vałodaje transpartna-łahistyčnymi centrami «Bruzhi» i «Bierastavica», a taksama ŭ śpisie kampanija «Ruzekśpiedycyja», jakaja «atrymlivaje vyhadu ad režymu i sadziejničaje abychodu sankcyj ES, udzielničajučy ŭ pastaŭkach aŭtamabilaŭ, prodaž jakich ź ES u Biełaruś zabaronieny».

Siarod fizičnych asob nazyvajucca finansavy dyrektar Dimicandum Invest Holding LTD Andrej Śvirydaŭ, saŭładalniki TAA «VŁATE Łahistyk» Dźmitryj Zamulevič i Uładzimir Arkadźjeŭ, hiendyrektar «Biełaruśkalija» Andrej Rybakoŭ, staršynia Biełaruskaj respublikanskaj kalehii advakataŭ Alaksiej Švakaŭ.

U sankcyjny śpis taksama dadali sudździaŭ, adkaznych za fabrykavańnie palityčna matyvavanych prysudaŭ:

Viera Fiłonik — sudździa Bresckaha abłasnoha suda;

Iryna Pradun — sudździa i staršynia suda Rahačoŭskaha rajona Homielskaj vobłaści;

Vital Siniła — sudździa i staršynia suda Mastoŭskaha rajona Hrodzienskaj vobłaści;

Vadzim Mazol — sudździa suda Pružanskaha rajona Bresckaj vobłaści;

Nina Šastak — sudździa Bresckaha abłasnoha suda;

Iryna Majko — sudździa Minskaha abłasnoha suda;

Vasil Biahun — sudździa Homielskaha abłasnoha suda;

Jaŭhien Brehan — sudździa Bresckaha abłasnoha suda;

Alaksandr Mocharaŭ — sudździa suda Savieckaha rajona Homiela;

Alesia Osipava — sudździa suda Centralnaha rajona Homiela;

Viktar Novik — staršynia suda Žabinskaha rajona.

U sankcyjnyja śpisy dadzienyja asoby, adkaznyja za katavańni ŭ miescach abmiežavańnia voli i biesčałaviečnaje staŭleńnie da niezakonna zatrymanych. Heta:

Vadzim Muraška — načalnik papraŭčaj kałonii №13 u Hłybokim;

Siarhiej Biarejšyk — supracoŭnik SIZA №1;

Mikałaj Muškaroŭ — supracoŭnik SIZA №1;

Siarhiej Pietrakovič — načalnik papraŭčaj kałonii №9 u Horkach

Viktar Łutcaŭ — načalnik miedycynskaj častki turmy №1 Hrodna.

Prapanovy pa sudździach i supracoŭnikach kałonij, jakich dadać u sankcyjnyja śpisy ES, z dokazami i padrabiaznym abhruntavańniem kamanda Narodnaha antykryzisnaha ŭpraŭleńnia pieradavała ŭ Jeŭrapiejskuju słužbu źniešnich dziejańniaŭ 11 kastryčnika 2024 hoda. Paśla jurydyčnaj ekśpiertyzy sankcyi ŭzhadniła Rada ES.

• 32
• 1
• 1
• 0
• 2
• 0
• 0
• 3