«Čałaviek-pavuk 3: Vorah u adbitku»
Adbyłasia premjera treciaj častki viadomaha kinakomiksu. Čałaviek-pavuk zmahajecca z Čornaj Śmierciu, Piasočnym čałaviekam, Hoblinam-małodšym i … samim saboj.
Čałaviek-pavuk 3: Vorah u adbitku (Spider-Man 3)
ZŠA, 2007, kalarovy, 139 chv.
Režyser: Sem Rejmi
Roli vykonvajuć: Tobi Mahuajr, Kirsten Danst, Džejmz Franka, Tomas Heden Čorč, Tofer Hrejs, Brajs Dałas Hoŭard, Bił Nan, Tereza Raseł, Brus Kempbeł
Žanr: Kinakomiks
Adznaka: 5,5 (z 10)
Cichmiany fatohraf Piter Parkier – pa sumiaščalnictvie Čałaviek-pavuk – zmahajecca z Hoblinam-małodšym, Čornaj Śmierciu i Piasočnym čałaviekam. Ale hałoŭnym voraham Čałavieka-pavuka stanovicca jon sam. Inšaplanetnaja nafta-parazyt farbuje hieroja ŭ čorny koler i šturchaje da pomsty.
Treciaja častka kinakomiksu prezentuje darahija admysłovyja efekty: pavietranuju sutyčku z Hoblinym, ataku Piasočnaha čałavieka, paloty betonnych plitaŭ i vykštałconuju chareahrafiju boju ŭ metro. Ale na dźviuchhadzinny film, biudžet jakoha składaje 258 młn (!), takich epizodaŭ usiaho čatyry.
U pierapynkach pamiž komiksavaj ekscentrykaj hieroi zaniatyja siamiejnymi prablemami – kachańniem i siabroŭstvam. Pobyt “batanika” Pitera Parkiera padadzieny ź lohkim humaram: durackija złamanyja dźviery, nervovy redaktar, usłužlivy aficyjant. A “zmahańnie hieroja z samim saboj” vyhladaje źmienaj imidža.
Cichonia apranaje čorny prykid, razvučvaje fryvolnyja žesty i robić čubok pad Adolfa Hitlera. Ale zło musić być pieraadolena dabrom: kaściolny zvon pazbaŭlaje ad nafty-parazyta, były vorah pryjdzie na dapamohu, a Pavuk vyrašaje daravać dyj nia pomścić. Maralnyja vysnovy razžavanyja j padadzienyja na spodačku (što nia jość zahanaj dla komiksu), raskviečanyja atrakcyjonami – i ŭračysta ŭznaharodžanyja amerykanskim ściaham (šum u zali).
Stužka Sema Rejmi zanadta “vylizanaja” (biez prafesijnych niapravilnaściaŭ, jakija čaplajuć) i zanadta vialikaja – što prymušaje zasumavać. Ale hladzieć jaje varta tolki na vialikim ekranie – abjomny huk i jaskravyja kolery tady nie zdaducca nudoj.
Taksama na ekranie Piekła.
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku25
Kamientary