Rasiejski film, jaki čaplaje. Paślavajskovaja metafizyčnaja drama.
BT, 22.25
Žyvy (Živoj)
Rasieja, 2006, kalarovy, 98 chv.
Režyser: Alaksandar Vieladzinski
Roli vykonvajuć: Andrej Čadaŭ, Alaksiej Čadaŭ, Maksim Łahaškin, Uładzimier Jepifancaŭ, Volha Arntholc, Viktoryja Śmirnova, Alaksandra Robak, Kaciaryna Vołkava
Žanr: Paślavajskovaja metafizyčnaja drama
Adznaka: 6 (z 10)
Kir viartajecca dadomu paśla ranieńnia ŭ Čačenii. Doma jaho čakaje matula j dziaŭčyna, ź jakoj jon źbiraŭsia ažanicca. Ale vajna nie adpuskaje Kira – jon zabivaje, zryvajecca, pje. I jamu źjaŭlajucca pryvidy dvuch zahibłych siabroŭ…
Adzin ź niešmatlikich rasiejskich filmaŭ, źniatych za apošni čas, jaki čaplaje – svajoj praŭdaj i niehlamurnaściu. Vajskovaja traŭma, ekzystencyjny šok, pakuta, ahresija, zdratavanaje sumleńnie…
Karcina Vieladzinskaha nie źbirajecca pieć rasiejskija “patryjatyčnyja” dyfiramby, jak heta robiać “9 rota” i mistyčna-imperski “Načny dazor”.
Hieroj (Andrej Čadaŭ) – čałaviek, a nie słužka systemy. Niamotny kryk, bol, kamedyjnyja siabry-pryvidy…
Andrej Čadaŭ hraje na nadryvie, kryvioj i rezkimi žestami, ale jahony brat Alaksiej, jaki źjaŭlajecca ŭ filmie ŭ roli śviatara, “pierajhraje” hałoŭnaha hieroja luboŭju i supakojem.
Film niaroŭny: žest, trapnaja fraza, emocyi, pieśnia – ale heta nibyta j nie sabrana razam, u adzinaje cełaje. Kryk prahučaŭ, ekran skałynuŭsia, rozhałas jość.
U lubym vypadku dla siońniašniaha rasiejskaha kino – heta vielmi hodnaja stužka.
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku24
Kamientary