Try z pałovaj hady kałonii dali žančynie, jakaja dapamahała padpolščykam pierachodzić miažu
Try z pałovaj hady kałonii dali palitźniavolenaj Alesi Bunievič, jakaja dapamahała pierachodzić miažu padpolščykam, jakim pahražała niebiaśpieka. Jaje asudzili ŭ zakrytym režymie pavodle č. 3 art. 371 Kryminalnaha kodeksa (naŭmysnaje niezakonnaje pierasiačeńnie dziaržaŭnaj miažy), ździejśnienaje arhanizavanaj hrupaj. Viadoma, što svajoj viny jana nie pryznała. Prysud vynies sudździa Dźmitryj Hryšyn, piša «Viasna».
Alesia Bunievič — dyrektarka vilenskaj drukarni, zatrymanaja 4 krasavika ŭ miežach kryminalnaj spravy paśla taho, jak jana pryjechała ź Litvy ŭ Biełaruś.
Alesiu Bunievič spačatku abvinavacili ŭ «ździajśnieńni akta teraryzmu hrupaj asob pa papiaredniaj zmovie» (č. 2 art. 289 Kryminalnaha kodeksa) u miežach spravy «rejkavych partyzanaŭ».
U prapahandysckim filmie na BT pakazali kavałak dopytu Alesi, dzie jana raspaviadała, jak kuplała litoŭskija sim-karty za niekalki dzion da pajezdki ŭ Biełaruś, pakazvała, dzie chavała ich na terytoryi krainy, pra toje, jak usio zdymała na videa, kab paśla ich mahli znajści padpolščyki, jakim treba było pierajści miažu. A taksama, što pavinna była «adpravić» maładych ludziej, kali jany padjeduć da miažy.
Ale kančatkova 33-hadovaj žančynie vystavili abvinavačvańnie pa č. 3 art. 371 Kryminalnaha kodeksa — naŭmysnaje niezakonnaje pierasiačeńnie dziaržaŭnaj miažy Respubliki Biełaruś, ździejśnienaje arhanizavanaj hrupaj.
Prysud u Hrodzienskim rajonnym sudzie vynies sudździa Dźmitryj Hryšyn.
Padtrymajcie Alesiu listami, hrašovymi pieravodami, pasyłkami: Turma № 1, 230023, Hrodna, Kirava, 1, Alesia Anatoljeŭna Bunievič
-
Mieniedžar punkta vydačy zakazaŭ u Viciebsku nakraŭ tavaraŭ na 15 tysiač rubloŭ
-
Eks-maładafrontaŭca Dubskaha schapili ŭ Varoniežy i nibyta chacieli adpravić na vajnu. A potym jon uspłyŭ u prapahandystaŭ
-
Ekśpierymientalnuju supraćhałalodnuju sumieś, jakoj pasypali vulicy Minska, pryznali nierentabielnaj
Kamientary