Suzasnavalnik 21vek.by: My, jak bujny biznes, nie vitajem paralelnaha impartu
U Biełarusi ŭ retejleraŭ niama ejfaryi ad lehalizacyi paralelnaha impartu. Zakryć dzirki ŭ asartymiencie zmahli, pačaŭsia praces kampiensacyi sychodu brendaŭ i važna hety praces padtrymać, kab na biełaruskich placoŭkach usio ž taki možna było kupić zvykłyja rečy, choć i doraha. Takoje mierkavańnie vykazaŭ suzasnavalnik kampanii «Tryavist» (21vek.by) Siarhiej Vajniłovič padčas dyskusii, arhanizavanaj 31 studzienia chostynh-pravajderam HostFly.by, piša Office Life.
Vajniłovič nahadaŭ, što paralelny impart uzakonili miesiac tamu. Ale i da hetaha farmalna nie było barjeraŭ, kab jaho ažyćciaŭlać, faktyčna heta možna było rabić praz rasijskuju mytniu, i 21vek.by taksama vaziŭ Apple, Dyson, inšyja brendy.
Kali pačynaješ pracavać z paralelnym impartam, to ŭzrastajuć terminy, ryzyki, ceny, padkreśliŭ Vajniłovič.
Raniej zakupki rabilisia ŭ aficyjnych viendaraŭ, dystrybjutaraŭ, jakija viali sistemny biznes, a ciapier davodzicca zakuplać tavar na adkrytym suśvietnym rynku i prymać na siabie ŭsie ryzyki, pakolki ciabie nichto nie viedaje na rynku.
U vyniku ty nie ŭpeŭnieny, što pryjdzie ŭ skryncy ad ajfona. Usio heta mocna pavysiła ceny.
Vidavočna, što ź Biełarusi brendy syšli ŭ mienšaj kolkaści, čym z Rasii, ale sistemny biznes chacieŭ by, kab paralelny impart pryjšoŭ da nula.
«Reč u tym, što praca z paralelnym impartam spekulatyŭnaja i niesistemnaja, tamu my, jak bujny biznes, nie vitajem heta».
Ciapier u tavaraabarocie 21vek.by abjom paralelnaha impartu mienšy za 5%, skazaŭ Vajniłovič.
Raniej paviedamlałasia, što ŭ Biełarusi zakonam «Ab abmiežavańni vyklučnych pravoŭ na abjekty intelektualnaj ułasnaści» ŭviedzienyja padstavy dla paralelnaha impartu tavaraŭ i abjektaŭ intelektualnaj ułasnaści.
Čytajcie taksama:
U Biełarusi lehalizujuć šery impart dla abychodu sankcyj. Raźbirajemsia, što heta značyć
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh10
Kamientary