Ctartap Figure apublikavaŭ pieršyja foty svajho ŭniviersalnaha humanoidnaha robata
Hetyja androidy patencyjna zmohuć pracavać mieniedžarami składoŭ, kamplektavalnikami ŭ hipiermarkietach i navat sacrabotnikami pry niamohłych ludziach.
Ideja stvareńnia čałaviekapadobnych robataŭ nie novaja. Pa-pieršaje, niama ničoha pryhažejšaha za čałaviečaje cieła. I, choć ciažka nazvać naša cieła viaršyniaj enierhaefiektyŭnaści abo dyzajnu, tym nie mienš, tak zvany form-faktar tut maje važnuju rolu, bo naša navakolnaje asiarodździe stvoranaje nami z ulikam siabie i našych asablivaściaŭ. Tamu nie dziŭna, kali inžyniery imknucca stvarać robataŭ pa našym vobrazie i padabienstvie, kab vykonvać našu pracu.
Startap Figure, pra isnavańnie jakoha stała viadoma ŭ minułym vieraśni, prademanstravaŭ vyjavy svajho pieršaha humanoidnaha robata ŭ pačatku sakavika, raskazvaje TechCrunch.
Figure nie pieršy na hetym rynku. Takija viadomyja hulcy, jak Tesla, Boston Dynamics, taksama imknucca stvaryć univiersalnaha humanoidnaha robata, jaki byŭ by zdolny vykonvać mnostva štodzionnych zadač: ad fizičnaj pracy da fizičnaj pracy pry dohladzie starych ludziej.
«Fihura 01» (Figure 01, jak nazvali svajo stvareńnie ŭ kampanii), zborku jakoj zaviaršyli ŭ śniežni, ciapier prachodzić testavańnie. Vyjavy «Fihury 01», prapanavanyja kampanijaj, pa svajoj sutnaści padobnyja da taho, što vypuskała Tesla razam z anonsam svajho robata. Tamu honka za stvareńnie madeli, jakuju možna kamiercyjalizavać, robicca ŭsio bolš napružanaj.
Zasnavalnik Figure Bret Adkok kaža, što ich kamanda (u jakuju ŭvachodziać byłyja supracoŭniki pieradavych kampanij Boston Dynamics, Tesla, Apple SPG, IHMC, Cruise) znachodzicca ŭ tym punkcie, kali moža kamiercyjalizavać robataŭ, praca nad jakimi ciaham apošnich dvuch dziesiacihodździaŭ kruciłasia ŭ asnoŭnym tolki vakoł daśledavańniaŭ i raspracovak. Ciapier jany pracujuć nad humanoidnym robatam druhoha pakaleńnia, jaki, jak abiacajuć, budzie mieć usie funkcyi dla kamiercyjnaha vykarystańnia, a ŭ pierśpiektyvie i dla maštabavańnia vytvorčaści.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh12
Kamientary