U bajach za Bachmut zahinuli 10 tysiač źniavolenych i 10 tysiač štatnych bajcoŭ PVK «Vahnier» — Pryhožyn
Kiraŭnik PVK «Vahnier» Jaŭhien Pryhožyn ahučyŭ źviestki ab palehłych zachopnikach Bachmuta.
U bajach za Bachmut zahinuli 10 tysiač źniavolenych i 10 tysiač štatnych bajcoŭ PVK «Vahnier». Pra heta Jaŭhien Pryhožyn zajaviŭ u intervju Kanstancinu Dałhovu.
Pavodle Pryhožyna, straty ŭkraincaŭ bolšyja: 50 tysiač zahinułych, 50—70 tysiač paranienych. Adnak heta nie moža być praŭdaj: pry nastupalnych apieracyjach u haradach tyja, chto nastupaje, niasuć straty ŭ razy bolšyja, čym tyja, chto abaraniajecca.
«SVA (śpiecyjalnaja vajennaja apieracyja — vajna) rabiłasia dziela «denacyfikacyi» … a my zrabili Ukrainu nacyjaj, jakaja viadomaja va ŭsim śviecie. Ciapier što tyčycca «demilitaryzacyi». Kali ŭ ich było na pačatak śpiecapieracyi ŭmoŭna 500 tankaŭ, ciapier u ich piać tysiač. Kali vajavać tady ŭmieli 20 tysiač bajcoŭ, to ciapier 400 tysiač. Jak ža my jaje demilitaryzavali? Ciapier my, naadvarot, — chren viedaje jak — militaryzavali Ukrainu», — zajaviŭ kuchar Pucina.
Taksama jon adznačyŭ, što nibyta da 10 červienia PVK pavinna «maksimalna karektna» pieradać Bachmut padraździaleńniam US RF.
Tym časam Instytut vyvučeńnia vajny (ISW) źviarnuŭ uvahu na toje, što Hienštab Ukrainy ŭpieršyniu sa śniežnia 2022 hoda nie paviedamiŭ pra bai ŭ Bachmucie. Analityki patłumačyli heta mahčymym prasoŭvańniem «vahnieraŭcaŭ» uhłyb horada.
Analityki nahadvajuć, što ŭkrainskija aficyjnyja asoby zajavili, što temp bajoŭ na bachmuckim kirunku źniziŭsia na fonie praciahu abmiežavanych ukrainskich kontratak na fłanhach Bachmuta 23 maja.
Hienieralny štab taksama paviedamiŭ, što rasijskija vojski praviali niaŭdałyja nastupalnyja dziejańni pablizu Chromava (niepasredna na zachad ad Bachmuta).
«U nas fobija žyvoj kamunikacyi. A seks mienš važny, čym dla minułych pakaleńniaŭ». Zumiery adkazvajuć na pretenzii da svajho ładu žyćcia2
Kamientary