Usievaład Jančeŭski z administracyi Parka vysokich technałohij syšoŭ kala dvuch miesiacaŭ tamu, kažuć «Našaj Nivie» znajomyja ź situacyjaj.
Pavodle infarmacyi «Našaj Nivy», jon ciapier uznačalvaje jurydyčnuju asobu ŭ Abjadnanych Arabskich Emiratach, jakuju adkryvali jak finansavuju prakładku dla PVT. Praź jaje źbiralisia pieravodzić hrošy tych biełaruskich IT-kampanij i zamiežnych zamoŭcaŭ, jakija nie mohuć pracavać naŭprost ź Biełaruśsiu paśla pačatku poŭnamaštabnaj vajny va Ukrainie.
Nakolki viadoma, Jančeŭski z pasady kiraŭnika PVT paprasiŭsia sam — pad vyhladam taho, što bolš nieabchodny na miescy ŭ AAE, kab vieści spravy novaj jurasoby.
«Naša Niva» raniej pisała, što ideja adkryćcia kampanii ŭ AAE naležyć kiraŭnictvu Parka vysokich technałohij.
Z adnaho boku, patreba vynikaje ź situacyi na rynkach: praz uskładnieńni finansavych adnosin pamiž biełaruskimi bankami i bankami raźvitych krain uźnikajuć ciažkaści ŭ apłacie pasłuh tych biełaruskich kampanij, jakija z ułasnych pryčyn zastajucca ŭ Biełarusi, pracujučy pry hetym na zachodnija rynki.
Stvaryŭšy jurydyčnuju asobu ŭ Emiratach, kiraŭnictva PVT spadziajecca takim čynam vyrašyć prablemu padobnych kampanij. Płanujecca, što zachodni zamoŭca budzie płacić nie ŭ takuju taksičnuju jurysdykcyju, jakoj ciapier ličycca biełaruskaja, a na rachunki prakładki PVT u AAE. A ŭžo potym hetyja hrošy buduć traplać u Biełaruś. Imavierna, u valucie, adroznaj ad valuty prychodu. Naprykład, kanviertavanyja ŭ juani.
PVT budzie mieć z hetaha svoj pracent za absłuhoŭvańnie.
Jančeŭski ŭznačalvaŭ PVT z 2017 hoda. Datul jon byŭ pamočnikam Łukašenki i ideołaham.
Novym kiraŭnikom PVT staŭ vychadziec z KDB Alaksandr Bazanaŭ.
Jančeŭski stvaraje ŭ Emiratach finansavuju prakładku dla rezidentaŭ PVT
Vienhry pajšli nasustrač Jančeŭskamu i pahadzilisia stvaryć prakładku dla kampanij PVT — krynicy
Juryj Mielničak čamuści źnik z «doški honaru» PVT
Krynicy: Jančeŭski prydumaŭ, kab prahramistaŭ za danaty 2020-ha nie sadzili, ale ździrali kampiensacyju ŭ dziesiacirazovym pamiery
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie12
Kamientary