Jutub-kanał ČynČyn pradstaŭlaje svoj samy vostry i pravakacyjny prajekt «ČynČyny ŭ mundzirach» — antyvajenny satyryčny sieryjał, źniaty ŭ stylistycy savieckich vajennych filmaŭ.
Prajšło ŭžo amal 80 hadoŭ z dnia zakančeńnia Druhoj suśvietnaj vajny, ale prapahanda i dahetul vykarystoŭvaje jaje dla ideałahičnaha abhruntavańnia raźviazvańnia novych vojnaŭ. «ČynČyny ŭ mundzirach» — heta sieryja karotkich videarolikaŭ, jakaja pry dapamozie vyraznych srodkaŭ estetyki savieckaha kino śmieła iranizuje nad ramantyzacyjaj militaryzmu.
Biełaruskija čynoŭniki Siarhiej Mikałajevič i Mikałaj Siarhiejevič adpraŭlajucca na pieradavuju «śpiecapieracyi», kab pakazać jak treba pravilna vajavać. Jany pierakananyja, što praŭda na ichnim baku. Jany vajujuć z takoj ža starannaściu, jak i padpisvajuć (nia)važnyja dakumienty, vystupajuć pierad prapahandysckimi ŚMI, raskryvajuć fejkavyja zmovy «kalektyŭnaha Zachadu» i sadziać bulbu na kamieru. Adnak u kožnym raździele hetyja ČynČyny cierpiać niaŭdaču…
Stvaralniki sieryjała žadajuć pakazać aŭtaram prapahandysckich fejkaŭ pra vajnu, jak niedarečna jany vyhladajuć, a taksama dać biełaruskaj aŭdytoryi ŭniviersalny instrumient — humar, jaki dapamoža ŭ asabistaj vajnie kožnaha sa stracham, apatyjaj i chłuśnioj dziaržaŭnych ŚMI.
Novyja sieryi «ČynČyny ŭ mundzirach» buduć vychodzić na jutub-kanale ČynČynČeneł kožny aŭtorak i subotu. Pahladzieć pieršyja sieryi sieryjała možna ŭžo ciapier pa spasyłcy.
Čytajcie taksama:
Polšča dla palakaŭ… i lićvinaŭ! Vyjšaŭ satyryčny sieryjał pra šlachtu
«Nie bajusia być drennaj dziaŭčynkaj». Alena Žałudok vypuściła novy klip
Kolki kaštavaŭ biełaruski sieryjał «Pracesy» i navošta tam stolki maciukoŭ
Na pachavańni snajpierki Maryi Zajcavaj u Kijevie byŭ zaŭvažany niezvyčajny bieł-čyrvona-bieły ściah3
Kamientary