Va Ukrainie nie sabrali nieabchodnuju kolkaść podpisaŭ dla ŭhanaravańnia zvańniem Hieroja zahinułaha biełarusa Łobava
Zvańnie Hieroja Ukrainy raniej atrymali biełarusy Michaił Žyźnieŭski i Alaksiej Skobla.
Va Ukrainie nie zmahli sabrać nieabchodnuju kolkaść podpisaŭ pad pietycyjaj za prysvajeńnie zvańnia Hieroja Ukrainy biełarusu Eduardu Łobavu, jaki zahinuŭ va Ukrainie ŭ studzieni 2023 hoda, abaraniajučy Vuhladar na Danbasie, nahadvaje Radyjo Svaboda.
Pad pietycyjaj, jakuju stvaryŭ kiraŭnik dabračynnaha fondu «Volnaja Biełaruś» Alaksiej Franckievič, svaje podpisy pastavili 12 542 pry nieabchodnych 25 000.
Heta druhaja sproba sabrać podpisy za prysvajeńnie Eduardu Łobavu zvańnia Hieroja Ukrainy. Pieršaja, stvoranaja ŭ 2023 hodzie, taksama nie sabrała nieabchodnuju kolkaść podpisaŭ.
U studzieni pad anałahičnym zvarotam daterminova sabrali nieabchodnuju kolkaść podpisaŭ za ŭhanaravańnie zvańniem Hieroja Ukrainy i ordenam «Załataja Zorka» biełarusa Źmitra Rubašeŭskaha, jaki zahinuŭ 12 krasavika 2022 hodu padčas bajoŭ u Łuhanskaj vobłaści.
Zhodna z zakanadaŭstvam, ciapier pietycyju za prysvajeńnie zvańnia Hieroja Ukrainy Źmitru Rubašeŭskamu razhladaje ekśpiertnaja hrupa, stvoranaja pry Kamisii dziaržaŭnych uznaharod i hieraldyki pry prezidencie Ukrainy. Tolki ŭ vypadku pazityŭnaj vysnovy ekśpiertaŭ pietycyju nakirujuć na razhlad prezidentu Ŭładzimiru Zialenskamu. Adkazu na hety zvarot pakul jašče niama.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary