Jon adznačyŭ, što mnohija «pačynajuć vyć» i skardzicca na sankcyi, što biełaruskich spartoŭcaŭ nie dapuskajuć da mižnarodnych spabornictvaŭ.
«A kudy vas nie puskajuć? Vas što, u Rasiju nie puskajuć? Heta samaja mocnaja spartyŭnaja dziaržava našaj płaniety [Što da Alimpijskich hulniaŭ, to Rasija daŭno navat nie treciaja, a ŭ futbole navat nie dziasiataja — NN], — skazaŭ jon. — Ja naziraju ciapier vielmi pilna (bolš, upeŭnieny, čym chto-niebudź z vas), što adbyvajecca ŭ Rasijskaj Fiederacyi sa sportam.
Tam uvieś čas pakazčyki ŭ sporcie pavialičvajucca. Tam łyžniki biehali słabiej — zaraz biahuć chutčej. Tam chakiej — jość chakiej. I futboł tamaka — daj boh. Ja kažu: vyjhrajcie ŭ rasijanaŭ. Paspaborničajcie ź imi i pryjdzicie dakładzicie, što vy vystupili lepš, čym rasiejcy va ŭsich vidach sportu. I ad vas bolš ničoha nie treba. Kraina budzie ščaślivaja».
Što datyčycca ŭ cełym ciapierašnich vynikaŭ u ajčynnym sporcie, Łukašenka skazaŭ tak: «Soramna hladzieć. Časam brydka».
Paśla poŭnamaštabnaha ŭvarvańnia va Ukrainu rasijski i biełaruski sport adchileny ad mižnarodnych spabornictvaŭ (za vyklučeńniem futboła dla biełarusaŭ i tenisa dla abiedźviuch krain). Tamu ŭ Rasii pravodziacca ŭłasnyja spartakijady pa łyžnych honkach, bijatłonie i frystajle dy inš. z udziełam biełarusaŭ. Zastaŭsia čempijanat Kantynientalnaj chakiejnaj lihi, baskietbolnaja Adzinaja liha VTB. Rasijski futboł na mižnarodnym uzroŭni zastaŭsia ŭ tavaryskich matčach ź niatopavymi zbornymi Azii i Afryki.
Udzieł u Letnich Alimpijskich hulniach u 2024 hodzie taksama pad pytańniem dla biełarusaŭ. Spartoŭcy pavinny jechać tudy pad niejtralnym ściaham, biez čynoŭnikaŭ i adchryściŭšysia ad padtrymki napadu Rasii na Ukrainu i ad supracoŭnictva ź biełaruskimi siłavymi strukturami (mnohija spartoŭcy ličacca pry MUS, armii i KDB). Taksama treba paśpieć prajści kvalifikacyjnyja adbory.
Dziajkała: Naša situacyja nie ciahnie na Mižnarodny trybunał u Haazie. Važna, kab praces nad Łukašenkam adbyŭsia ŭ Minsku5
Kamientary