Valer Kavaleŭski raskazaŭ, jak možna paźbiehnuć žaleznaj zasłony
Pradstaŭnik Abjadnanaha pierachodnaha kabinieta pa mižnarodnych spravach Valer Kavaleŭski ŭ efiry Deutsche Welle parazvažaŭ, jak paźbiehnuć žaleznaj zasłony na zachodniaj miažy Biełarusi. Jon adznačyŭ, što jość nabor mahčymych rašeńniaŭ, jakija dapamohuć biełarusam zachavać cyvilizacyjnyja suviazi ź jeŭrapiejskaj siamjoj.
«Heta i vizavaja palityka, jakaja moža palapšacca. U pryncypie, my b chacieli bačyć biaźvizavy režym dla biełarusaŭ u Jeŭrapiejskim sajuzie. Ale ŭžo ciapier možna pačać vydavać vizy z doŭhim terminam dziejańnia — na piać hadoŭ. Kab ludzi nie chadzili pa vizy kožnyja paŭhoda i nie tracili na heta vielizarnuju kolkaść hrošaj», — padzialiŭsia mierkavańniem Kavaleŭski.
Taksama Kavaleŭski zajaviŭ pra nieabchodnaść adnaŭleńnia čyhunačnych znosin pamiž Varšavaj i Minskam, a taksama Vilniaj i Minskam. Pradstaŭnik APK razumieje, što heta moža hučyć i niesvoječasova, ale biełarusy, jak jon śćviardžaje, heta dakładna aceniać.
«Možna było b stavić pytańnie ab adnaŭleńni avijaznosin, kab navat «Biełavija» mahła lotać u Jeŭrasajuz. Heta pradmiety dla pieramoŭ», — adznačyŭ Kavaleŭski.
Jon ličyć, što nieabchodna damahacca sastupak ad režymu Łukašenki. Ale ŭ pieršuju čarhu demakratyčnyja siły pavinny dumać pra ludziej, jakija apynulisia ŭ biazvychadnym stanoviščy, kali bolš niama kudy jechać, akramia jak u Rasiju.
Bałharyja i Rumynija pačynajuć vydavać šenhienskija vizy biełarusam
Kavaleŭski adkazaŭ na vosiem haračych pytańniaŭ pra pašpart Novaj Biełarusi
Kavaleŭski raskazaŭ, jak i dzie buduć vydavać pašpart «Novaj Biełarusi»
Šviecyja budzie vydavać pašparty zamiežnika biełarusam z praterminavanymi dakumientami
Ofis Cichanoŭskaj pravioŭ kanfierencyju ŭ raskošnaj vile ŭ centry Prahi. Kolki kaštavała arenda?
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh4
Kamientary