U płanach u pradpryjemstva vypuścić 1700 aŭtobusaŭ i inšaj techniki za 2024 hod. A ŭžo ŭ nastupnym hodzie płanka jašče vyšej — 3000 adzinak.
Za I kvartał Minski aŭtamabilny zavod vyručyŭ kala $105 młn (344 młn rubloŭ). Jakim čynam atrymałasia dasiahnuć takoha prybytku, raspavioŭ namieśnik kamiercyjnaha dyrektara pa realizacyi pasažyrskaj techniki Uładzimir Dormaš, piša tochka.by.
Suma i praŭda kaśmičnaja, uličvajučy, što za ŭvieś 2023 hod zavod zarabiŭ tolki $210 młn (Br688 młn). Pa sutnaści, za kvartał prybytku było stolki ž, kolki i za paŭhoda pracy.
Dasiahnuć hetaha atrymałasia dziakujučy vysokim tempach vytvorčaści. Za try miesiacy zavod vypuściŭ 392 adzinki pasažyrskaha transpartu i vyjšaŭ na pakazčyk 135 mašyn štomiesiac.
U płanach u pradpryjemstva vyrabić 1700 aŭtobusaŭ i inšaj techniki za 2024 hod. A ŭžo ŭ nastupnym hodzie płanka jašče vyšej — 3000 adzinak. Hetyja ambicyi dapamoža realizavać novy aŭtobusny zavod, jaki ciapier budujecca.
Uvieś transpart zavoda na hety hod užo raskupleny, tamu idzie farmiravańnie partfiela zakazaŭ na 2025-y.
«Siońnia ŭ kantraktnych abaviazacielstvach u zavoda ŭžo znachodzicca kala 1300 adzinak, tyja, što zastalisia 400 — heta kankretnyja prajekty», — zajaviŭ Dormaš.
Pradstaŭnik pradpryjemstva padzialiŭsia stratehijaj, jakaja dazvolić zadavalniać popyt i dasiahać vysokich prybytkaŭ. MAZ budzie śpiecyjalizavacca na vytvorčaści nizkapolnaha haradskoha transpartu z kampanientami ŭłasnaj vytvorčaści.
Plus u zavoda jość niekalki navinak — heta turystyčny aŭtobus MAZ-350 i pieronny aŭtobus MAZ 271.
Nie budzie zakinuta i vytvorčaść hramadskaha transpartu na elektryčnaj ciazie, taksama ŭ płanach na 2024 hod — vyrabić 320 sučlenienych aŭtobusaŭ.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary