Hajdukievič zajaviŭ, što jaho partyja budzie ŭdzielničać u prezidenckich vybarach
Ci pojdzie sam Aleh Hajdukievič kandydatam u prezidenty, nieviadoma. Ale na minułych vybarach jon źniaŭsia, zajaviŭšy, što «nie prastytutka».
Deputat ad ŁDPB i były milicyjant Aleh Hajdukievič, vystupajučy siońnia na pasiadžeńni Pałaty pradstaŭnikoŭ z nahody pryznačeńnia vybaraŭ prezidenta Biełarusi, całkam padtrymaŭ prapanovu staršyni CVK nakont daty vybaraŭ 26 studzienia 2025 hoda i patłumačyŭ čamu.
«Što ŭ nas dalej idzie paśla studzienia? Krasavik, maj, — niečakana arhumientavaŭ Hajdukievič. — Maj — heta vaśmidziesiacihodździe Vialikaj Ajčynnaj vajny, pieramohi našaj, heta budzie maštabnaje śviatkavańnie. Leta — naohuł nie treba pravodzić nikoli nijakich vybarčych kampanij. Heta majo mierkavańnie jak palityka, ja maju prava, liču, što zaŭsiody heta pavinna być zima, viasna».
Hajdukievič pryvioŭ arhumienty tym, chto ličyć, što «raptam abviaścili vybary, nie dali padrychtavacca».
«Palityk pačynaje rychtavacca da vybaraŭ z momantu zakančeńnia minułych vybaraŭ. A chto nie byŭ hatovy, nikoli da ich hatovy i nie budzie — ni zaŭtra, ni paślazaŭtra. Pierakanany, što ŭsie palityčnyja partyi ŭ krainie, usie hramadskija arhanizacyi majuć vydatnuju mahčymaść dla taho, kab paŭdzielničać u hetych vybarach, pakazać siabie i ŭmacavać krainu. A varjataŭ-kandydataŭ, jakija ranicaj pračnulisia i vyrašyli stać prezidentam, jak u dvaccatym, bolš u nas być nikoli nie pavinna», — skazaŭ Hajdukievič.
Jon paabiacaŭ, što jaho partyja «abaviazkova voźmie ŭdzieł u vybarach», z farmatam udziełu jany vyznačacca paźniej.
Ci pojdzie sam Aleh Hajdukievič spojleram da Łukašenki, jaki pakul nie zajaviŭ pra svoj udzieł, nieviadoma. Ale na minułych vybarach Hajdukievič źniaŭsia, zajaviŭšy, što «nie prastytutka», i zaklikaŭ hałasavać za Łukašenku.
Apytanka
-
Mieniedžar punkta vydačy zakazaŭ u Viciebsku nakraŭ tavaraŭ na 15 tysiač rubloŭ
-
Eks-maładafrontaŭca Dubskaha schapili ŭ Varoniežy i nibyta chacieli adpravić na vajnu. A potym jon uspłyŭ u prapahandystaŭ
-
Ekśpierymientalnuju supraćhałalodnuju sumieś, jakoj pasypali vulicy Minska, pryznali nierentabielnaj
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary