«Suprać našaj pazicyi ja ničoha nie čuŭ», — skazaŭ Zialenski pra dyjałoh z Trampam.
Uładzimir Zialenski ŭ intervju «Suśpilnie» raskazaŭ, što z Donaldam Trampam u ich skłałasia kanstruktyŭnaje ŭzajemadziejańnie.
«Bazis, na jakim my staim, jon [Tramp] pačuŭ. Suprać našaj pazicyi ja ničoha nie čuŭ», — padkreśliŭ prezident Ukrainy.
Na ŭdakładniajučaje pytańnie, ci staviŭ Tramp pierad Ukrainaj patrabavańnie ab udziele ŭ pieramovach z Rasijaj, Zialenski adkazaŭ: «My — niezaležnaja kraina. I my padčas hetaj vajny — i naš narod, i ja asabista ŭ pieramovach z ZŠA, i z Trampam, i z Bajdenam, i ź jeŭrapiejskimi lidarami — dakazali, što z nami rytoryka «siadaj i słuchaj» nie pracuje».
U toj ža čas, sa słoŭ Zialenskaha, pry administracyi Trampa «vajna zavieršycca chutčej».
«Dla nas vielmi važny spraviadlivy mir, kab nie było adčuvańnia, što my stracili najlepšych dziela niespraviadlivaści, jakuju vam naviazali. Vajna skončycca, ale dakładnaj daty niama. Biezumoŭna, z palitykaj hetaj kamandy, jakaja ciapier uznačalić Bieły dom, vajna skončycca chutčej. Heta ich padychod, ich abiacańnie svajmu hramadstvu, i dla ich heta taksama vielmi važna», — adznačyŭ Zialenski.
-
Zahinuŭ rasijski vajskoviec, čyjo padraździaleńnie naniesła ŭdar pa ŭkrainskaj kaviarni pad Charkavam. Tady zahinuli 59 čałaviek
-
Zialenski: Minabarony Ukrainy raspracoŭvaje śpieckantrakt, kab pryciahnuć u vojska 18-24-hadovych
-
14 šmatkvaternych damoŭ paškodžany ŭ rasijskim Rastovie-na-Donie ŭ vyniku ataki ŭkrainskich dronaŭ
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary