Padčas vizitu Alaksandra Łukašenki ŭ Minski dziaržaŭny linhvistyčny ŭniviersitet niekalki studentaŭ, dapuščanych na sustreču, zadali jamu pytańni.
Studentka Liza rašyła spytać pra asabistaje žyćcio małodšaha syna palityka. Jana apisała Kolu Łukašenku jak «adukavanaha, tvorčaha i papularnaha ŭ internecie», «adnaho z samych zajzrosnych žanichoŭ siarod biełarusaŭ». Hety momant pakazali ŭ efiry telekanała «Pieršy infarmacyjny».
«Kali pryjdzie čas jamu abirać spadarožnicu žyćcia, vy, jak baćka, budziecie ŭpłyvać na vybar ci davieryciesia hustam syna?» — spytała jana palityka.
Łukašenka pierakryviŭsia.
«Voj, mianie až na čaj paciahnuła», — skazaŭ jon, ale bolš adkazu na pytańnie nie pakazali (kali toj praciah byŭ).
A studentka, jakaja zadavała pytańnie Łukašenku pra adklučeńnie internetu, zajaviła, što heta nibyta było impravizacyjaj.
Łukašenka byŭ u MDŁU 22 listapada. Heta pieršy jaho vizit va ŭniviersitet, jaki ŭ 2020-m byŭ adnym z samych pratesnych. Bolšaść studentaŭ univiersiteta pieršaj źmieny ŭ hety dzień była pieraviedziena na dystancyjnaje navučańnie, a sam univiersitet jašče napiaredadni byŭ poŭny supracoŭnikaŭ KDB.
U kancy minułaha miesiaca Linhvistyčny ŭniviersitet stali terminova rychtavać pad vizit Łukašenki. «Univiersitet rychtujuć, myjuć, ramantujuć, mianiajuć dźviery, źjaviłasia šmat žyvych kvietak na vulicy», — dzialilisia surazmoŭcy.
Dadavali, što «navat tualety ekstranna pryvodziać da ładu». A hrukat ad ramontu zaminaŭ vučebnym zaniatkam.
-
Biazdomny-erudyt, jaki źnik u Homieli, znajšoŭsia ŭ reanimacyi. Jon viadomy pa błohu papularnaha tyktokiera
-
Jak buduć vyhladać novyja stancyi mietro na ŭčastku ad «Piarespy» da stancyi «Park Družby narodaŭ» FOTA
-
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh10
Kamientary