Kanapackaja znajšła sabie tolki siem davieranych asobaŭ — dyj toje siarod ich syn-danosčyk
Kandydatka ŭ prezidenty Hanny Kanapackaja zarehistravała ŭ Centrvybarkam 7 svaich davieranych asobaŭ. Uvohule ŭ śpis možna uklučyć 30 čałaviek, adnak, vyhladaje, što takoj kolkaści prychilnikaŭ u jaje prosta niama.
Padčas papiaredniaj prezidenckaj kampanii Kanapackaja taksama nie vykarystała kvotu, adnak tady ŭ jaje było chacia b 18 davieranych asobaŭ. Ciapier — tolki 7 čałaviek. Chto budzie ŭ śpisie ŭ hety raz?
Kidajecca ŭ vočy imia syna kandydatki. Alaksiej Kanapacki zarehistravany jak indyvidualny pradprymalnik u śfiery zdačy nieruchomaści ŭ arendu. U 2020-m jon zvaniŭ u milicyju z danosam na minčukoŭ, jakija raźviešvali stužki.
Samyja vopytnyja siarod kamandy Kanapackaj — kolišni lidar pradprymalnikaŭ Anatol Šumčanka, a taksama Siarhiej Vaźniak, jaki raniej byŭ u «Havary praŭdu» i ŭ likvidavanym «Spraviadlivym śviecie».
Anhielina Bierazoŭskaja — taksama pradstaŭnica likvidavanych apazicyjnych kamunistaŭ.
Imia Alaksandra Mielechaŭca supadaje ź imieniem kinarežysiora, aŭtara muzyčnych klipaŭ i sacyjalnych rolikaŭ. U kancertnaj śfiery pracuje i Jaŭhien Novaš.
Peŭnaści z tym, chto takaja Valeryja Vadzimaŭna Siamionava, niama.
Na hetym śpis davieranych asobaŭ Kanapackaj skančvajecca.
U astatnich sparynh-partnioraŭ Łukašenki prablemy z padboram davieranych asobaŭ niama. Kožny ź ich uznačalvaje dekaratyŭnuju palityčnuju partyju, tamu farmalna maje sotni ci navat tysiačy prychilnikaŭ
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
Naminacyja ž na lidara pradprymalnikaŭ heta ci sproba kartelu, ci pryznačany dziaržavaj pieratvaralnik pradprymalnikaŭ z aryentavanych na spažyŭca na dahadžajučych dziaržavie