«Hazpram» daŭno źbiraŭsia adklučać haz, bo Kišynioŭ nie chacieŭ apłačvać patreby prarasijskaha Prydniastroŭja.
Žychary niepryznanaha Prydniastroŭja — prarasijskaj častki Małdovy, niepadkantrolnaj Kišyniovu — zastalisia biez hazu, ciapła i haračaj vady. Vyklučeńnie zroblena dla balnic i sacyjalnych ustanoŭ.
U šmatkvaternych damach Prydniastroŭja haz pakul zastaniecca dastupnym dla pryhatavańnia ježy. Heta budzie mahčyma dziakujučy zapasam u sistemie hazapravodaŭ, pakul cisk u sietcy nie źnizicca da krytyčnaha ŭzroŭniu.
Elektraenierhija ŭ Prydniastroŭi pakul zastajecca. Miarkujecca, što zapasaŭ vuhla na Małdaŭskaj HRES chopić jašče na 50 dzion pracy.
U bližejšyja dni tempieratura pavietra ŭ Tyraspali składzie ad +4 da +10 hradusaŭ dniom i ad +1 da +5 hradusaŭ unačy.
Nahadajem, z 1 studzienia 2025 hoda Ukraina spyniła tranzit rasijskaha hazu. Dziejańnie kantrakta z «Hazpramam» zaviaršyłasia. Z-za hetaha taksama spynieny pastaŭki hazu ŭ małdaŭskaje Prydniastroŭje. Dla Małdovy situacyja nie źjaŭlajecca prablemaj, bo kraina ŭžo niekalki hadoŭ kuplaje haz dla ŭnutranych patreb u jeŭrapiejskich pastaŭščykoŭ.
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh9
Kamientary
2 janvaria 2025 hoda. Ukraina pieriekryvajet haz pridniestrov́ju i błokirujet Hazpromu postavki haza v ES.