Kaho hladzieli bolej i što ŭ kamientarach? Paraŭnali navahodnija zvaroty Cichanoŭskaj i Łukašenki

Zvarot Śviatłany Cichanoŭskaj

Padčas zvarotu ŭ Biełarusi zabłakavali jutub, jak i ŭ minułym hodzie. Jon nie pracavaŭ prykładna z 23:40 da novaha hoda. Cichanoŭskaja zapisała zvarot całkam na biełaruskaj movie.

Vystup Śviatłany Cichanoŭskaj tranślavali dva jutub-kanały: jaje ŭłasny dy «Jeŭraradyjo». Na kanale Śviatłany Cichanoŭskaj za pieršyja 18 hadzin videa sabrała 130 tysiač prahladaŭ i 723 kamientary. Na «Jeŭraradyjo» byli 54 tysiačy prahladaŭ i 279 kamientaroŭ. Ahułam — 184 tysiačy prahladaŭ i kala 1000 kamientaroŭ. My nie ŭličvajem navahodnija šou, dzie prahrama taksama pieraryvałasia zvarotam demakratyčnaj lidarki.

Na kanale Śviatłany Cichanoŭskaj 53 tysiačy padpisčykaŭ, na kanale «Jeŭraradyjo» — 139 tysiač. Ahułam — 192 tysiačy.

Vynik trochu horšy za toj, što byŭ u minułym hodzie, ale letaś zvarot tranślavali piać jutub-kanałaŭ. Tady za 11 hadzin jon nabraŭ 170 tysiač prahladaŭ i bolš za 1400 kamientaroŭ.

Kamientary pad rolikam u bolšaści ad biełarusaŭ. Značnaja ich častka na biełaruskaj movie. Ludzi vinšujuć adno adnaho z Novym hodam, zyčać ščaścia i pakidajuć vokličy «Žyvie Biełaruś!».

Zvarot Alaksandra Łukašenki

Zvarot Łukašenki pakazvali, jak i ŭ minułym hodzie, čatyry jutub-kanały: BiełTA, ANT, STB i BT (ciapier jon nazyvajecca news.by).

U vyniku:

• na BiełTA zvarot sabraŭ 113 tysiač prahladaŭ, rolik maje 859 kamientaroŭ;
• na ANT — 159 tysiač prahladaŭ i 551 kamientar;
• na STB — 66 tysiač i 291 kamientar;
• na news.by — 32 tysiačy i 190 kamientaroŭ.

Ale Łukašenku krucili i pa TB.

Zvarot byŭ całkam ruskamoŭny. Na kožnym z kanałaŭ bolš za miljon padpisčykaŭ, ahułam jany majuć bolš za 6 miljonaŭ padpisčykaŭ. Heta amal u 32 razy bolej, čym u kanałaŭ, jakija tranślavali zvarot Śviatłany Cichanoŭskaj.

Pa kamientarach bačna, što šmat ludziej jaho hladzieli z Rasii dy inšych krain. Na ŭsich kanałach pieršyja kamientary zbolšaha z zamiežža. Akramia Rasii, praskokvajuć kamientary z Łatvii, Małdovy, Litvy, samaabvieščanaj Abchazii, Hiermanii, Kazachstana.

Rasijanie nazyvajuć krainu «naša Biełaruś», a biełarusaŭ — «braťja biełorussy» ci «braťja słavianie». Niekatoryja dziakujuć Łukašenku za toje, što jon «zachavaŭ krainu».

Ahułam zvarot Łukašenki za 18 hadzin atrymaŭ 370 tysiač prahladaŭ dy 1891 kamientar.

Letaś jaho zvarot za 11 hadzin mieŭ 308 tysiač prahladaŭ i 2102 kamientary.

• 10
• 3
• 1
• 34
• 2
• 3
• 3
• 1