Vializnuju kolkaść ludziej vyklikajuć u milicyju, adździeły kadraŭ, dekanaty pierad vybarami
Na kožnym pradpryjemstvie i ŭstanovie pravodziać prafiłaktyčnyja hutarki.
Ludzi paviedamlajuć pra toje, što «prafiłaktyčnymi mierapryjemstvami» pierad vybarami achoplenaja hihanckaja kolkaść ludziej.
U milicyju abo da kiraŭnictva ŭstanoŭ i pradpryjemstvaŭ vyklikajuć usich, chto mieŭ u minułym zatrymańni pa palityčnych artykułach ci inšyja padstavy dla sačeńnia za saboj.
Charaktar «prafiłaktyčnych hutarak» adroźnivajecca i zaležyć taho, chto ich pravodzić. U bolšaści vypadkaŭ, jakija viadomyja «Našaj Nivie», jany mieli farmalny charaktar, a milicyjantam ci słužbovym asobam, što ich pravodzili, «było soramna», jak vykazaŭsia adzin ź ludziej, ź jakimi my havaryli.
Adnak časam ludzi papadajuć i na azłoblenych siłavikoŭ, jakija kryčać i pahražajuć. Tak, adna z žančyn, ź jakimi razmaŭlała «NN», raskazała, što «mianie, niemaładuju, nie čapali, moj [saromieŭsia] na mianie vočy padniać, a za ścienkaj inšy tak kryčaŭ na dziaŭčynku, što jana płakała». Heta adbyvałasia ŭ adździaleńni milicyi.
Masavyja palityčnyja represii ŭ Biełarusi praciahvajucca z 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ ułady.
Pa słovach namieśnika načalnika Hałoŭnaha ŭpraŭleńnia pracesualnaha kantrolu Śledčaha kamiteta Alaksandra Žukava, było zafiksavana bolš za 22 500 «złačynstvaŭ ekstremisckaj skiravanaści», heta značyć, palityčnaha charaktaru. Pa mnohich z hetych kryminalnych spraŭ prachodziać šmatlikija fihuranty.
Zhodna ź infarmacyjaj Paŭła Łatuški, pradstaŭnika Abjadnanaha pierachodnaha kabinieta, z 2020 hoda represii zakranuli 136 tysiač čałaviek. Niekalki socień tysiač biełarusaŭ vymušanyja byli pakinuć krainu.
«Naša Niva» — bastyjon biełaruščyny
PADTRYMAĆU jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
Łukašisty i jabaťki i tie, poniali, čto, kak było do 2015 hoda, to nie budiet NIKOHDA !
Eto kasajetsia nie tolko očieriednoho, niezakonnoho zachvata vłasti ich kumirom.
Eto kasajetsia połok mahazinov, cien, skotskoho otnošienija mieždu jabaťkami i łukašistami, donosov, stukačiestva.
Oni poniali, čto, tiepieŕ i do vynosa tieła ich kumira, im pridiotsia žiť v strachie, rieprieśsijach, oskorblenijach, nieuvažienii, to jesť - v HOVNIE ich, dla nich i ich kumira !