Chłopiec zamiest armii pajechaŭ na rovary ŭ Litvu. Praz hod jaho zatrymali rasijskija pamiežniki
Sudzili maładoha čałavieka pakazalna, u prysutnaści moładzi.
Žychar Hrodzienskaj vobłaści 1999 hoda naradžeńnia prajšoŭ miedkamisiju ŭ vajenkamacie i pad rośpis atrymaŭ pozvu pryjści na zborny punkt. Chłopiec byŭ prydatny da terminovaj słužby i pavinien byŭ pajechać u čaść.
Ale zamiest armii chłopiec vyrašyŭ pakinuć krainu. Jon sieŭ na rovar i pajechaŭ u Litvu. Supracoŭniki vajenkamata zvanili jamu šmat razoŭ, ale jon byŭ niedastupny. Ab tym, što chłopiec źjechaŭ ź Biełarusi, vajenkamatu paviedamiŭ jaho zvodny brat.
Maładomu čałavieku praź miesiendžar paviedamili, što na jaho pačali kryminalnuju spravu. Ale jon adkazaŭ, što nie maje mahčymaści viarnucca ŭ krainu.
Praz hod chłopca zatrymali rasijskija pahraničniki ŭ punkcie propusku ŭ Kalininhradskaj vobłaści. Jaho pieradali biełaruskim siłavikam, paviedamlaje milicyja Hrodna.
Chłopiec raskazaŭ, što źjechaŭ u Litvu, kab dahladać za baćkam, u jakoha byli sardečna-sasudzistyja zachvorvańni. Pry hetym paćviardžajučych dakumientaŭ jon nie pakazaŭ.
Maładoha čałavieka sudzili za ŭchileńnie ad pryzyvu. Pryčym praces prajšoŭ pakazalna, na jaho pryviali chłopcaŭ pryzyŭnoha ŭzrostu. Sud pryznačyŭ chłopcu paŭtara hoda «chimii» z nakiravańniem.
-
Žachlivaja historyja ŭ «Minsk-Śviecie»: sabaka na dvary naparoŭsia na šampur, haspadynia ličyć, što jaho ŭvatknuli naŭmysna
-
Čamu vysoki cisk nie dazvalaje rasijskim Supierdžetam latać? Choć dla Boinha heta nie prablema
-
U Viciebsku try miesiacy šukali sieryjnaha lukakrada. Jaho zatrymali, ale luki praciahvajuć źnikać
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary