U eratyčnym filmie ź Nikol Kidman prahučała muzyka biełaruskaha hurta
Čuli pra novy film «Kiepskaja dziaŭčynka» ź Nikol Kidman i Antonia Banderasam, jaki zaraz idzie ŭ prakacie? Tam hraje trek biełaruskaha hurta Police in Paris.
Hrupa Police in Paris litaralna za hod našumieła ŭ Jeŭropie tak, što ihnaravać heta dalej niemahčyma. Jany brali ŭdzieł u fiestyvali elektronnaj muzyki Tomorrowland. A jašče adzin z udzielnikaŭ hurta — unuk Uładzimira Mulavina z «Pieśniaroŭ», piša Onliner.by.
Abodvuch udzielnikaŭ hurta zavuć Uład.
«Našy baćki siabravali, my raśli razam i razam pačali pisać muzyku. Ja zajmaŭsia tchekvando, atrymaŭ traŭmu, lažaŭ u hipsie i sumavaŭ pierad telikam. Tam išoŭ muzyčny kanał, mnie stała cikava, jak naohuł robiać elektronnuju muzyku. Zapampavaŭ niejkuju prościeńkuju prahramu na telefon, pačaŭ zabaŭlacca. Pakazaŭ Uładu, kali jon zajšoŭ u hości. I voś užo 10 hadoŭ jak my praciahvajem zabaŭlacca», — kaža adzin z udzielnikaŭ.
«Tak, napeŭna, praz toje, jak daŭno my znajomyja, my i ŭ prafiesijnym płanie daviarajem adzin adnamu, jak samim sabie. Nie mahu ŭspomnić, kab my naohuł svarylisia. Ja rablu kavałačak, skidaju Uładu, jon dabivaje, i naadvarot», — kaža inšy Uład.
U sakaviku chłopcy adpraŭlajucca ŭ svoj pieršy paŭnavartasny tur pa Azii. Pišuć i pramoŭtery z Amieryki: zrobim vizy, arhanizujem hastroli, tolki pryjazdžajcie. Heta stała mahčyma, aproč inšaha, dziakujučy jašče adnamu raptoŭnamu pośpiechu hetaha hoda: kampazicyja Police in Paris akazałasia ŭ aficyjnym saŭndtreku adnaho z samych bujnych filmaŭ siezona — toj samaj «Kiepskaj dziaŭčynki» ad studyi A24 ź Nikol Kidman i Antonia Banderasam u hałoŭnych rolach. Kali što, karcinu jašče možna paśpieć pahladzieć u kinateatrach prosta ciapier.
A kali budziecie hladzieć, prysłuchajciesia padčas doŭhaj sceny ź Nikol u kłubie. Tam na fonie možna vyrazna pačuć try-čatyry chviliny rodnieńkaha biełaruskaha chard-techna.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary
(No vot nasčiet udovolstvija ot prosmotra morŝinistoj erotiki jesť somnienija))
Pieriekanany virtuałaŭ " krolikaŭ" pa chutkamu na dystancyi zrobiać ..))
Jak u aniekdocie ab maładym byčkie i stałam baćkie na hare i stadzie tiełak unizie.