Praz tydzień zakryjuć most z vulicy Maskoŭskaj na praśpiekt Niezaležnaści ŭ Minsku. Jak abjazdžać?
U Minsku z 8 lutaha budzie zakryty ruch pa moście pamiž vulicaj Maskoŭskaj i praśpiektam Niezaležnaści. Raniej paviedamlałasia, što zakryćcio płanujecca z 10 lutaha.
Pavodle staličnaj Dziaržaŭtainśpiekcyi, budzie zakryty ruch usich vidaŭ transpartu pa hetym puciepravodzie i abmiežavany ruch usich vidaŭ transpartnych srodkaŭ, akramia maršrutnych, na ŭčastku praśpiekta Niezaležnaści ad vulicy Śviardłova da vulicy Babrujskaj u abodvuch napramkach, a taksama na ŭčastku vulicy Babrujskaj ad płoščy Miaśnikova da vulicy Leninhradskaj u abodvuch napramkach.
Abjezd hetaha ŭčastka rekamiendujecca ažyćciaŭlać pa nastupnych maršrutach: vulica Śviardłova — vulica Uljanaŭskaja — vulica Leninhradskaja; vulica Śviardłova — vulica Uljanaŭskaja — vulica Kirava; vulica Śviardłova — vulica Uljanaŭskaja — vulica Kirava — vulica Babrujskaja.
Dyrektar «Hardarbuda» Siarhiej Panieŭ paviedamiŭ, što hety puciepravod byŭ pabudavany ŭ 1963 hodzie i prajektavaŭsia pad transpartnuju nahruzku taho času, jakaja zaraz značna ŭzrasła. Heta stała pryčynaj pryniaćcia rašeńnia ab płanavym ramoncie puciepravoda.
Zhodna z normami, ramont pavinien vykonvacca na praciahu 23 miesiacaŭ, ale pierad budaŭnikami pastaŭlena zadača zaviaršyć jaho da kanca hoda. Dla hetaha niekalki budaŭničych upraŭleńniaŭ buduć pracavać kruhłasutačna.
Ruch transpartnych srodkaŭ budzie zabaronieny pa puciepravodzie da 1 śniežnia. Akramia taho, časovaje abmiežavańnie ruchu transpartu ŭviaduć na ŭčastku vulicy Babrujskaj ad Leninhradskaj da Miaśnikova da 31 kastryčnika.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary