Dziaržsakratar ZŠA: Niapravilna było dazvolić ludziam pavieryć u toje, što Ukraina zdolnaja nanieści parazu Rasii
Dziaržsakratar ZŠA Marka Rubia zajaviŭ, što vajna va Ukrainie pavinna zaviaršycca pieramovami, i abodva baki pavinny pajści na sastupki. Pra heta jon skazaŭ u intervju amierykanskaj žurnalistcy Miehin Kieli, piša Bi-bi-si.
«Niapravilna, što my niejkim čynam pryviali da taho, što dazvolili ludziam pavieryć u toje, što Ukraina zdolnaja nanieści parazu Rasii, adkinuć usio da taho stanu, jaki byŭ u 2012 abo 2014 hodzie, kali Rasija zachapiła Krym», — skazaŭ jon.
«Abodva baki płaciać strašnuju canu ŭ hetaj vajnie, abodva baki razumiejuć, što jany nie dasiahnuć svaich maksimalistyčnych metaŭ», — zajaviŭ Rubia.
Pavodle jaho słoŭ, «treba pravieści značnuju pracu», «i tolki z ZŠA pad kiraŭnictvam prezidenta Trampa heta moža być mahčyma».
«Heta nie budzie prosta i patrabuje peŭnaha času, ale ja viedaju, što jon rašuča nastrojeny dasiahnuć hetaha», — dadaŭ dziaržaŭny sakratar.
Donald Tramp padčas pieradvybarčaj kampanii śćviardžaŭ, što zdolny chutka pakłaści kaniec vajnie va Ukrainie, ale paśla ŭstupleńnia ŭ pasadu pakul nie pryniaŭ nijakich krokaŭ, akramia novych zajaŭ.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary