Narviehija aryštavała sudna z rasijskim ekipažam u suviazi z paškodžańniem kabiela ŭ Bałtyjskim mory
Ułady rasśledujuć mahčymuju datyčnaść sudna da paškodžańnia aptavałakonnaha kabiela ŭ Bałtyjskim mory pamiž Łatvijaj i Šviecyjaj, piša Bi-bi-si.
Aryšt byŭ praviedzieny na zapyt łatvijskich uładaŭ, paviedamiła palicyja paŭnočnaha narviežskaha horada Tromsio.
Sudna Silver Dania, jakoje naležyć narviežskaj kampanii i chodzić pad ściaham Narviehii, nakiroŭvałasia z Sankt-Pieciarburha ŭ Murmansk.
Pavodle narviežskaha vydańnia Barents Observer, Silver Dania naležyć kampanii Fjord Shipping, fłot jakoj «ciesna supracoŭničaje z rasijskimi partniorami».
Kamunikacyjny kabiel z łatvijskaha horada Vientśpiłs na šviedski vostraŭ Hotłand byŭ paškodžany ŭ niadzielu.
Adrazu paśla incydentu ŭłady Šviecyi zatrymali suchahruz Vezhen, jaki zarehistravany na Malcie i ŭvachodzić u skład fłota bałharskaj kampanii Navigation Maritime Bulgare.
Jak pieradavała ahienctva Reuters sa spasyłkaj na danyja sajta MarineTraffic, heta sudna, razam ź niekalkimi inšymi, znachodziłasia ŭ rajonie, dzie byŭ paškodžany kabiel.
Za apošni čas heta ŭžo čaćviorty vypadak paškodžańnia padvodnych kabielaŭ u Bałtyjskim mory. Pradstaŭniki zachodnich krainaŭ vykazvajuć padazreńni, što da incydentaŭ moža być datyčnaja Rasija, adnak u Maskvie takija zdahadki adprečvajuć.
U jaki dzień u 2020-m mahli zdarycca pieramieny? Polski dypłamat vydaŭ knihu ab pracy ŭ Biełarusi i daŭ adkaz na heta pytańnie9
Kamientary