U Minsku praź jaŭrejskija mohiłki prakłali tranšeju. Ź ziamli vyciahnuli mnostva nadmahillaŭ
Budaŭničyja raboty na miescy źniesienaj niadaŭna Histaryčnaj majsterni imia Leanida Levina začapili i susiedni niekropal. Adšukanyja ŭ ziamli frahmienty dajuć nadzieju na adbudovu stračanaha pomnika architektury.
Pra heta paviedamlaje telehram-kanał «Spadčyna».
U pačatku śniežnia 2024 hoda ŭ miežach rekanstrukcyi byŭ całkam źniesieny budynak Histaryčnaj majsterni pa Suchoj vulicy. Zachavaŭsia tolki padvał, jaki, jak ličycca, u čas akupacyi vykonvaŭ rolu «maliny» — schovanki, u jakoj ratavalisia ad źniščeńnia jaŭrei Minskaha hieta.
Siońnia na miescy Histaryčnaj majsterni vialiki katłavan, u jakim zalityja novyja žalezabietonnyja kanstrukcyi. Cieraz darohu da budoŭli prakładajuć sietki, dla jakich vyryli hłybokuju tranšeju ŭzdoŭž Jaŭrejskaha miemaryjalnaha parku.
Heta park raźbity na miescy vialikich jaŭrejskich mohiłak, jakija byli źniesieny za savieckim časam. Za časam niamieckaj akupacyi mohiłki byli ŭklučany ŭ miežy hieta, siońnia na terytoryi miemaryjalnaha parku znachodzicca niekalki miemaryjałaŭ, pryśviečanych achviaram Chałakostu.
Naturalna, što pry kapańni tranšei ŭzdoŭž nijak nie abaznačanych mohiłak, budaŭniki paturbavali staryja nadmahilli. Kala dziasiatku kamiennych macevaŭ byli vyniatyja ź ziamli.
Heta nie pieršy vypadak, kali praz byłyja jaŭrejskija mohiłki na Kalektarnaj vulicy prakładajuć inžyniernyja kamunikacyi. Padobny vypadak adbyŭsia ŭ 2019 hodzie, kali pry budaŭnictvie treciaj linii mietro raskapali mnostva nadmahillaŭ i čałaviečyja pareštki.
Tady staršynia Tavarystva achovy pomnikaŭ Anton Astapovič źviarnuŭsia ŭ prakuraturu, ale atrymaŭ adkaz, što zakon nie parušany, a prajektnaja dakumientacyja «Minskmietrabuda» ŭzhodnienaja.
Pryčyna takoj niaŭvažlivaści prajekciroŭščykaŭ da jaŭrejskich mohiłak nie tolki ŭ tym, što siońnia jany isnujuć tolki pad ziamloj, ale i ŭ adsutnaści choć jakoha achoŭnaha statusu ŭ hetaha histaryčnaha pomnika. U tym ža 2019 hodzie Tavarystva prapanoŭvała Minharvykankamu nadać mohiłkam status historyka-kulturnaj kaštoŭnaści, ale atrymała admovu.
Jak zaŭvažaje telehram-kanał «Spadčyna», u tranšei i advałach ziamli bačnyja taksama frahmienty niejkich cahlanych kanstrukcyj. Niekatoryja navat udałosia apaznać — heta frahmienty pilastraŭ źniščanaj manumientalnaj mohiłkavaj bramy.
Hetyja vydatna zachavanyja frahmienty ŭ sukupnaści z histaryčnymi zdymkami, na dumku aŭtaraŭ kanała, dazvolili b dakładna rekanstrujavać stračany pomnik minskaj architektury i navat, nie vyklučana, adnavić jaho aryhinalnaje koleravaje rašeńnie.
«Naša Niva» — bastyjon biełaruščyny
PADTRYMAĆ-
Mieniedžar punkta vydačy zakazaŭ u Viciebsku nakraŭ tavaraŭ na 15 tysiač rubloŭ
-
Eks-maładafrontaŭca Dubskaha schapili ŭ Varoniežy i nibyta chacieli adpravić na vajnu. A potym jon uspłyŭ u prapahandystaŭ
-
Ekśpierymientalnuju supraćhałalodnuju sumieś, jakoj pasypali vulicy Minska, pryznali nierentabielnaj
Aleksin i Tapuzidzis skončyli vajnu za tytuniovy rynak Biełarusi. Abodva prajhrali. A voś chto, zdajecca, pieramoh13
Kamientary
Na.vošta padobny " kapialuš??
Nadmahiłja vykapany uvojduć da" kompleksa" .