Małoje dzicia z Mazyra trapiła na štučnuju vientylacyju lohkich — jaho maci abvinavačvaje daktaroŭ u chałatnaści
Šmatdzietnaja maci z Mazyra skardzicca na pracu daktaroŭ. Žančyna abvinavačvaje miedykaŭ u tym, što jany prapuścili čas na lačeńnie jaje dziciaci.
Alina raskazała svaju historyju ŭ tyktoku. Jaje maleńki syn zachvareŭ na vostry branchit paŭmiesiaca tamu. Chłopčyku dali balničny na dva tydni. Kali jany skončylisia, piedyjatarka vyrašyła, što małomu čas viartacca ŭ sadok. Alina raskazvaje, što analizy ŭ jaje syna ŭsio jašče byli drennyja, ale doktarka zrabiła vysnovu, što za 14 dzion chłopčyk musiŭ vylečycca.
Žančyna nie stała spračacca:
«Ja pavieryła i puściła syna ŭ sadok, heta byŭ užo čaćvier. Usio było dobra. U piatnicu zabrali syna z sadka, jon hulaŭ, jeŭ, nijakich simptomaŭ. Padčas hulni syn stračvaje prytomnaść, sinieje i pierastaje dychać!
Muž vyklikaje chutkuju dapamohu, ja chapaju syna ŭ adnoj maječcy, zavaročvaju ŭ pled i my lacim nasustrač chutkaj mima ŭsich śviatłaforaŭ, sustrakajem chutkuju na vyjeździe ź ich bazy. Dzicia chrypić, dychańnie pryhniečanaje. Raspačynajucca sutarhi, nam koluć supraćsutarhavy preparat i pryvoziać u pałatu intensiŭnaj terapii Mazyra».
U pałacie, kaža Alina, miedyki stali jaje zapeŭnivać, što sutarhi ŭ małoha źviazanyja z vysokaj tempieraturaj, i žančyna ich pasłuchałasia, chacia i viedała, što tempieratury ŭ dziciaci niama. Noč mały pravioŭ pad lekami, i na nastupny dzień jaho vyrašyli pieravodzić u zvyčajnuju pałatu — maŭlaŭ, usio dobra.
Chłopčyku zrabili analiz kryvi, jaki pakazaŭ najaŭnaść zapaleńnia ŭ arhaniźmie. Dalej, kaža Alina, miedyki vyrašyli trymać dzicia ŭ pałacie da paniadziełka — abiacali maci, što paśla vychodnych małoha ahledzić nieŭrołah i inšyja daktary. Pavodle słoŭ žančyny, jana źviartała ŭvahu miedykaŭ na sutarhi małoha, ale joj kazali, što jana pamylajecca, i sutarhaŭ nasamreč niama.
Alina zapatrabavała pieravieźci jaje syna ŭ Homiel. U homielskaj balnicy, kaža jana, chłopčyka adrazu pavieźli ŭ reanimacyju, bo pabačyli ŭ jaho sutarhi. Dziciaci dali mocnyja zaspakajalnyja, praź jakija chłopčyk zasnuŭ, i pakłali jaho pad aparat štučnaj vientylacyi lohkich.
Tym časam leki pierastali dapamahać suprać sutarhaŭ, i daviałosia pavialičyć ich daziroŭku. Alina raskazvaje, što pa patrabavańni Minzdaroŭja dzicia vyrašyli pieravieźci ŭ Minsk:
«Staviać mieninhit, encefalit niezrazumiełaj etyjałohii. Była praviedzienaja punkcyja, MRT, UHD i ŭsie mahčymyja analizy, jakija ničoha nie pakazali».
U adnym sa svaich videa žančyna kaža pra nizkija šansy dziciaci na žyćcio. Jana spadziajecca, što jaje rolik pabačyć Łukašenka i čynoŭniki ź Minzdaroŭja, i nie padbiraje słoŭ, kali apisvaje svajo staŭleńnie da miedykaŭ.
Aficyjnych kamientaroŭ ad balnicy ci čynoŭnikaŭ pa hetaj situacyi pakul nie było.
«Naša Niva» — bastyjon biełaruščyny
PADTRYMAĆMałoje dzicia z Mazyra trapiła na štučnuju vientylacyju lohkich — jaho maci abvinavačvaje daktaroŭ u chałatnaści2
Kamientary
I nie zabudźciesia dadać numar kartki
Vialikimi litarami.