У 2025/2026 навучальным годзе ў БДУ пачнецца набор на дзве новыя спецыяльнасці — «Інтэлектуальная электроніка» і «Міжнародная эканоміка і гандаль (з паглыбленым вывучэннем кітайскай мовы)», паведамляецца на сайце ўніверсітэта.
Абедзве спецыяльнасці прэзентуюць як актуальныя для беларускай эканомікі. Набор на іх плануецца на бюджэтную і платную формы навучання. Таксама разглядаецца магчымасць мэтавага набору, для якога прадугледжаны асобны ўнутраны экзамен.
На «Міжнароднай эканоміцы і гандлі (з паглыбленым вывучэннем кітайскай мовы)» студэнты будуць вучыцца пяць гадоў. Выпускацца яны будуць са ступенню магістра і кваліфікацыяй «Эканаміст. Кітаязнаўца-перакладчык». Студэнтам будуць выкладаць дысцыпліны усходазнаўчага блока, яны засвояць прафесійную лексіку і спецыфіку дзелавой перапіскі, навыкі складання бізнэс-дакументаў, пісьмовага і вуснага перакладу. Таксама яны вывучаць прынцыпы міжнароднага і нацыянальнага рэгулявання сучаснай эканомікі, значэнне асобных рэгіёнаў, краін і кампаній у фармаванні тэндэнцый сусветнага гандлю, ролю нацыянальных інтарэсаў у геапалітычнай абстаноўцы і інш.
У студэнтаў будзе магчымасць прайсці вытворчую практыку на кітайскіх і беларуска-кітайскіх прадпрыемствах, стажыроўку ў Кітаі.
Па спецыяльнасці «Інтэлектуальная электроніка « прадугледжаная чатырохгадовая навучальная праграма. Яна ўключае дысцыпліны па метадах машыннага навучання, лічбавых вымяральных сістэмах, асновах асобных раздзелаў матэматыкі і фізікі, сярод якіх радыёэлектроніка, механіка, оптыка і тэрмадынаміка, мовах праграмавання, інтэлектуальным аналізе даных, кампутарным зроку, асновам кібербяспекі і інш. Выпускнікам прысвояць кваліфікацыю «Радыёфізік. Інжынер-праграміст».
Белыя ды чырвоныя кветкі і мора слёз. Як у Вільні сустракалі Паліну Шарэнду-Панасюк22
Каментары