Rasijskija chakiery pahražajuć uzarvać adkrytaje ŭčora koła ahladu «Sonca Maskvy»
Chakierskija hrupy XakNet i KillNet, jakija padtrymlivajuć vajnu suprać Ukrainy i niezadavolenyja dziejańniami aficyjnych rasijskich uładaŭ, uzłamali sajt koła ahladu ŭ Maskvie, tłumačačy heta pomstaj za parazu Uzbrojenych siłaŭ Rasii pad Charkavam. Pra heta piša «Mieduza».
Napiaredadni «samaje bujnoje ŭ Jeŭropie» maskoŭskaje koła ahladu adkryŭ asabista rasijski prezident Uładzimir Pucin. Śviaty z nahody Dnia Maskvy nie admianili navat paśla vidavočnaj parazy rasijskaj armii ŭ Charkaŭskaj vobłaści, što źniervavała kramloŭskich prapahandystaŭ.
Na ŭzłamanym sajcie koła ahladu źjaviłasia patrabavańnie chakieraŭ «spynić maskoŭskaje kryvavaje koła».
«My ličym absalutna niedarečnym, što pakul našy chłopcy hinuć na froncie, hniłaja libieralnaja intelihiencyja puskaje saluty i addajecca biaździejnaści ŭ stalicy našaj Radzimy», — napisali nieviadomyja.
Kančajecca paviedamleńnie infarmacyjaj ab tym, što «Sonca Maskvy» zaminiravana, i kali patrabavańni «patryjotaŭ» nie buduć vykananyja (u pryvatnaści, ab pakarańni tych, chto vinavaty ŭ hibieli «našych chłopcaŭ» na froncie), koła ahladu «zakacicca navieki».
Siońnia, darečy, «Sonca Maskvy» ŭžo nie pracavała, supracoŭniki tłumačyli heta «kalibroŭkaj sistemy».
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»29
Kamientary