Handlovaja sietka «Radziviłaŭski» ažyła i praviała rebrendynh FOTY
«Minski choładakambinat №2», jaki źjaŭlajecca ŭładalnikam sietki kramaŭ «Radziviłaŭski», pačaŭ abnaŭleńnie handlovaj marki. Pieršy mahazin sietki (jon maje №5 i znachodzicca na vulicy Mazurava, 2) užo abnaviŭ i źniešniaje afarmleńnie, i ŭnutrany dyzajn, piša Blizko.by.
Pavodle infarmacyi Belretail.by, usie 12 kramaŭ, jakimi kiruje «Minski choładakambinat №2», buduć pracavać pad novym brendam «Radziviłaŭskaha». Na momant publikacyi ŭ novym dyzajn-farmacie adkryta tolki dźvie kramy ŭ Minsku: pa vuł. Mazurava, 2 i Bialeckaha, 28.
U interjery zrobleny ŭpor na adcieńni siniaha koleru.
I kali raniej firmovy łahatyp byŭ aformleny pa-biełarusku, to ciapier usio pieraviali na ruskuju movu.
Handlovaja sietka pad brendam «Radziviłaŭski», jakaja była stvorana jašče ŭ 2003 hodzie i ŭ najlepšyja časy naličvała 21 kramu ŭ Minsku, spyniła svajo isnavańnie ŭ 2021-m. Z 1 kastryčnika taho hoda ŭsie kramy retejlera pierajšli pad kiravańnie «Minskaha choładakambinata № 2», choć niekatoryja ź ich zachavali svaju šyldu.
Siońnia ŭ handlovym rejestry ličycca 18 kram choładakambinata, adnak na sajcie paznačanyja ŭsiaho 12. Usie jany buduć pierafarmatavanyja pad novy dyzajn TM «Radziviłaŭski».
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»40
Kamientary
Krama pracuje da 23, heta dobra, u mianie na rajonie usie kramy tolki da 22 pracujuć, mnie nia zručna.
Jakia tut zmieny))