IT-kampanii ŭpieršyniu za try hady naniali bolš śpiecyjalistaŭ, čym zvolnili
Kampanii siektara «Infarmacyja i suviaź» (abo IKT) za minuły hod naniali bolš supracoŭnikaŭ, čym zvolnili. Heta adbyłosia ŭpieršyniu za apošnija try hady, piša Devby.io.
Pavodle źviestak aficyjnaj statystyki, za minuły hod kampanii siektara «Infarmacyja i suviaź» zvolnili bolš za 14 tysiač čałaviek — na 23% mienš, čym u 2023 hodzie (tady z kampanij było zvolniena bolš za 18 tysiač supracoŭnikaŭ).
Najmienšuju aktyŭnaść pa častcy zvalnieńniaŭ kampanii (i supracoŭniki) prajavili ŭ studzieni: u hetym miesiacy z kampanij syšli 824 čałavieki. A rekordnym pa kolkaści zvolnienych supracoŭnikaŭ u IKT staŭ kastryčnik (1400 čałaviek). Pry hetym užo bližej kanca hoda zvalnieńni pajšli na spad. U listapadzie i śniežni z kampanij IKT syšło krychu bolš za tysiaču śpiecyjalistaŭ.
Jak zvalniali ŭ kampanijach «infarmacyi i suviazi» ŭ 2023-2024 hadach
Na dynamicy zvalnieńniaŭ u IKT letaś adbilisia niekalki faktaraŭ. U pryvatnaści, žadańnie supracoŭnikaŭ źmianić kampaniju (naprykład, z-za zarobku), adsutnaść prajektaŭ u kampanij i rost bienča, zakryćcio jurydyčnaj asoby i sychod IT-biznesaŭ ź Biełarusi.
U minułym hodzie z krainy syšli takija viadomyja IT-kampanii jak mabilnyja raspracoŭščyki Playtika, Belka Games, i Apalon, amierykanski taksi-servis Lyft, raspracoŭščyk u śfiery AI i mašynnaha navučańnia InData Labs i inšyja.
Što tyčycca najmu, to za minuły hod kampanii IKT uziali na pracu bolš za 15 tysiač novych supracoŭnikaŭ — na 35% bolš, čym u 2023 hodzie.
Horšymi pa častcy najmu stali studzień i luty, a samymi «praduktyŭnymi» apynulisia žnivień i vierasień — u hetyja miesiacy kampanii IKT naniali bolš za 1,5 tysiačy śpiecyjalistaŭ.
Jak najmali ŭ kampanijach «infarmacyi i suviazi» ŭ 2023-2024 hadach
Takim čynam za minuły hod kampanii IKT naniali na pracu amal na 1000 supracoŭnikaŭ bolš, čym zvolnili.
Apošni raz ahulnaja kolkaść naniatych śpiecyjalistaŭ pieravysiła kolkaść zvolnienych u 2021 hodzie. U 2022 hodzie z pačatkam druhoj chvali rełaksacyi situacyja kardynalna źmianiłasia. Tady kampanii IKT zvolnili ŭ 2 razy bolš supracoŭnikaŭ, čym uziali na pracu (šmat u čym praz rełakacyju śpiecyjalistaŭ), u 2023 hodzie-zvolnili amal na 7 tysiač bolš, čym naniali.
Najm i zvalnieńni ŭ IKT za apošnija 5 hadoŭ (supracoŭnikaŭ)
Bot Biełaruskaha Hajuna byŭ uzłamany. Chto tudy pisaŭ — pad pahrozaj11
Kamientary