Biełarusku biez tłumačeńnia pryčyn źniali z rejsa ŭ minskim aeraporcie i adpravili ŭ RUUS

Karystalnica pad nikam Browka.kate padzialiłasia, što niekalki dzion tamu razam z mužam i siabrami źbirałasia lacieć u Tbilisi, a adtul — u hory katacca na snaŭbordzie. Usio išło pa płanie: bilety nabytyja, bahaž zdadzieny, rehistracyja projdzienaja. Ale na pašpartnym kantroli zdaryłasia toje, čaho jana zusim nie čakała.

@browka.kate Skazať čto ja ochrienieła v momientie, eto ničieho nie skazať #istorija #minsk #biełaruś #otpusk #aeroport #samolet ♬ orihinalnyj zvuk - Ta samaja Katia

Pa jaje słovach, paśla rehistracyi na rejs, zdačy bahažu i prachodžańnia dahladu zastavałasia tolki prajści pašpartny kantrol. «Kali vy byli ŭ minskim aeraporcie, to viedajecie hetyja kabinki z prazrystymi dźviaryma. Ułasna, za jakimi ŭsie stajali i čakali mianie», — raspaviała dziaŭčyna ŭ videa.

Pa jaje adčuvańniach, jana praviała tam niejkuju «biaskoncuju kolkaść času» i była zasmučanaja, što pamiežniki ničoha joj nie tłumačyli, a prosta zabrali dakumienty. Adnak praź niekatory čas padyšoŭ jašče adzin supracoŭnik i pačaŭ zadavać standartnyja pytańni: kudy, navošta i z kim jana lacić?

«Chvilin praz 15 da mianie padychodzić usio toj ža mytnik i kaža, što ja nie pakinu miežy Respubliki Biełaruś. Mianie zdymajuć z rejsa», — padzialiłasia minčanka.

Paśla hetaha ŭ jaje pačałasia isteryka i poŭnaje nierazumieńnie situacyi. Jana paprasiła patelefanavać mužu — jaho vyvieli z zony djuci-fry, i razam jany sprabavali vyśvietlić, u čym sprava. Tady pamiežniki skazali im nastupnaje: «My nie viedajem pryčyn. Prosta staić zabarona na vyjezd. Jedźcie ŭ RUUS pa miescy rehistracyi».

U vyniku muž dziaŭčyny admoviŭsia lacieć bieź jaje, i ich abaich źniali z rejsa. Bahaž viarnuli, bilety — nie. Adzinaje, što atrymałasia kampiensavać, — heta 100 jeŭra za spartyŭnaje abstalavańnie ŭ bahažy.

Ale samaje absurdnaje, pavodle słoŭ dziaŭčyny, zdaryłasia na nastupny dzień. U RUUS i sudzie vyśvietliłasia, što «abmiežavańnie na vyjezd» źniali praz sutki. «Ja siadzieła ŭ kabiniecie ŭ sudździ i adčuvała siabie poŭnaj idyjotkaj.

Mnie prosta skazali: «Tak, heta absurd, ale ŭ nas takaja sistema». Ni ja, ni jany ničoha z hetym zrabić nie mahli»».

Dziaŭčyna dadała naprykancy, što «niaviedańnie zakonaŭ nie vyzvalaje ad adkaznaści».

@browka.kate V priedvkušienii očieriednych oskorblenij i obvinienij. Ja śnimaju vidieo na svojem ličnom akkauntie nie dla toho čto b chajpovať na toj ili inoj situacii, ja dieluś svoim opytom i prieduprieždaju čto vozmožno okazaťsia, nieožidanno dla siebia, v podobnom połožienii. Nikto nie zastavlajet vas smotrieť i pisať kommientarii. I už tiem boleje ja nie ždu oskorblenij v ličku na rovnom miestie. #istorija #otpusk #minsk #biełaruś ♬ orihinalnyj zvuk - Ta samaja Katia

Paśla jana apublikavała jašče adno videa, dzie bolš patłumačyła padrabiaznaściaŭ. Pavodle jaje słoŭ, zabarona na vyjezd «nijak, absalutna nijak nie źviazana z palitykaj».

U jaje taksama «nie było nieapłačanych štrafaŭ, nie było nijakich daŭhavych abaviazacielstvaŭ». 

Jana kaža, što ŭletku 2024 hoda ŭ sudzie brała dakumient, jaki paćviardžaje, što na joj niama nijakich daŭhavych abaviazacielstvaŭ, niama nijakich abmiežavańniaŭ. Jana jaho atrymała.

A ŭ vyniku jaje nie vypuścili z krainy. 

Akazałasia, što za 2020 hod u jaje było abmiežavańnie praź niejkuju niavypłatu, «jakaja była vypłačana ŭžo vielmi daŭno».

«Ja pytajusia, jak tak atrymlivajecca, kali ja była letam dvaccać čaćviortaha hoda tut, i mnie dali dakumient, što ŭsio ŭ paradku. A nasamreč jość niejkaje abmiežavańnie. Adkaz: ja nie viedaju».

Taksama vyśvietliłasia, što ŭ dziaŭčyny staić i abmiežavańnie na kiravańnie transpartam, chacia ŭ žniŭni dvaccać čaćviortaha hoda jana mianiała paśviedčańnie i atrymlivała novuju katehoryju, i ŭsio było ŭ paradku.

«Ja nie razumieju absalutna, jak ja pavinna była pradbačyć abo zrazumieć pra isnavańnie takich momantaŭ, ale atrymałasia, jak jość, — kaža jana i dadaje. — Spadziajusia, hetaja historyja narešcie skončyłasia. Choć, budziem česnyja, heta małavierahodna».

• 0
• 1
• 5
• 6
• 0
• 1
• 3
• 0