Błohierka znajšła pamyłki ŭ pracoŭnym sšytku pa biełaruskaj movie. Čynoŭniki zajavili, što vydańnie nie vykarystoŭvajuć u škołach
Videa z pamyłkami druku ŭ pracoŭnym sšytku sabrała bolš za sto tysiač prahladaŭ u tyktoku. U Minharvykankamie adreahavali.
Pamyłki druku tyktokierka znajšła ŭ pracoŭnym sšytku pa biełaruskaj movie dla druhoha kłasa aŭtarstva Aleny Damasievič. U adnym z zadańniaŭ, naprykład, zamiest «heta» było nadrukavana «hety», a zamiest «pačynajecca» — «pačynyjecca».
Videa raspaŭsiudziłasia pa mnohich pablikach, u vyniku na jaho vyrašyli adreahavać čynoŭniki. U kamitecie adukacyi Minharvykankama zajavili, što ŭ kadry — pracoŭny sšytak na drukavanaj asnovie, jaki nie źjaŭlajecca abaviazkovym dla vykarystańnia vučniami, pišuć «Miensk-Naviny».
Na sšytku niama hryfa Ministerstva adukacyi. Heta značyć, što viedamstva nie dapuskała hetaje vydańnie da vykarystańnia na ŭrokach.
«Nastaŭnik nie maje prava patrabavać nabyćcia pracoŭnych sšytkaŭ na drukavanaj asnovie. Što tyčycca dapamožnika dla vučniaŭ ustanoŭ ahulnaj siaredniaj adukacyi «Biełaruskaja mova, 2-i kłas, Kupalinka», to jon nie adpaviadaje patrabavańniam Ministerstva adukacyi i nie vykarystoŭvajecca ŭ staličnych škołach i himnazijach pry arhanizacyi adukacyjnaha pracesu», — adznačyli ŭ kamitecie.
Čynoŭniki paabiacali pravieści pravierku i vyklučyć z prodažu sšytka z adrukoŭkami i pamyłkami.
Rektarka Univiersiteta kultury raspaviała, jak «rasstałasia» ź niezadavolenymi supracoŭnikami ŭniviersiteta
Zabłakavali niekalki sajtaŭ, jakija zajmalisia prodažam dypłomaŭ
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj
Spasyłku na bot «Hajuna» siłaviki znajšli na telefonie zatrymanaj aktyvistki, jakaja praciahły čas chavałasia ŭ Biełarusi32
Kamientary