Hadzina na soncy pavyšaje testasteron na 69%.
Sprava ŭ tym, što razam z uzroŭniem vitaminu D u mužčynskim arhaniźmie raście kancentracyja połavoha harmonu testasteronu.
Najbolšaj seksualnaściu vałodajuć tyja pradstaŭniki mocnaj pałovy, u čyjoj kryvi ŭtrymlivajecca nie mieniej za 30 nanahramaŭ «soniečnaha vitaminu» na mililitr, śćviardžajuć daśledčyki ź Miedyčnaha ŭniviersiteta Hraca (Aŭstryja).
Pryčym, siaredniaje ŭtrymańnie testasteronu na praciahu hoda značna vahajecca. Hetak,
z kastryčnika, kali soniečnaja radyjacyja źmianšajecca, uzrovień abodvuch rečyvaŭ (vitamin D, testasteron) značna panižajecca. Minimalnaha značeńnia testasteron dasiahaje ŭ sakaviku. Mienavita ŭ hetyja miesiacy źnižajecca i mužčynskaje libida (połavaja ciaha).
Adkryćcio paćviardžaje vyniki papiarednich daśledavańniaŭ, padčas jakich testasteron, ŭł vyłučajecca pad uździejańniem sonca kletkami Lejdziha ŭ siamieńnikach, udzielničaje ŭ raźvićci mužčynskich połavych orhanaŭ, druhasnych połavych prykmietaŭ, rehuluje śpiermatahienez i połavyja pavodziny, a taksama ŭpłyvaje na azocisty dy fosfarny abmieny.
«Soniečny» vitamin, pavodle navukoŭcaŭ, taksama zdolny panižać ryzyku zachvorvańnia na rak kišečnika.Daśledavańni pakazali, što tyja, chto majuć najbolšuju kancentracyju vitaminu D ŭ kryvi, chvarejuć ankałahičnymi chvarobami na 40% radziej.
Adnak sonca zdolnaje i škodzić: praźmiernaje zaharańnie nie daje karyści arhanizmu. Naadvarot, chto piačecca na soncy, ryzykuje zachvareć na rak skury. Dyj prosta vymučvajecca chutčej. Tamu
baŭcie čas na volnym pavietry, ale nie zaharajcie śpiecyjalna.
-
«Usie žančyny marać pra haściavy šlub». Prybiralščyca ź Minska bačycca z mužam tolki na vychodnych i ličyć hetu schiemu idealnaj
-
«Užo naźbirała harem z arabaŭ i turkaŭ, ale jaki sens?» Biełaruska pra toje, jak šukaje muža na sajtach znajomstvaŭ
-
Raman z fejkavym Bredam Pitam kaštavaŭ žančynie €830 tysiač. Jana navat raźviałasia z realnym mužam
Raźvitalisia, ale nie pachavali: kremacyju Maryi Zajcavaj spynili ŭ apošni momant4
Kamientary