«Яны стануць ля нагі гаспадара і будуць пяшчотна памахваць хвосцікам». Пуцін — пра адносіны Еўропы і Трампа
Прапагандыст Павел Зарубін апублікаваў урывак інтэрв'ю з прэзідэнтам РФ Уладзімірам Пуціным. У ім расійскі кіраўнік зняважліва прайшоўся па еўрапейскіх элітах.
Паводле Пуціна, Байдэн больш падабаўся еўрапейскім элітам, чым Трамп: пры Байдэне Еўропа нібыта «з задавальненнем выконвала любы загад з боку Вашынгтона». З Трампам жа еўрапейцы «актыўна змагаліся» і «разгубіліся», калі ён зноў стаў прэзідэнтам.
«Я вас запэўніваю: Трамп з яго характарам, з яго настойлівасцю, навядзе там парадак даволі хутка. І ўсе яны <…> стануць ля нагі гаспадара і будуць пяшчотна памахваць хвосцікам», — сказаў Пуцін.
Таксама Пуцін зняважліва ацаніў якасць еўрапейскіх эліт. Паводле яго слоў, гэта «палітычная драбяза», якая спрабуе забараняць альтэрнатыўныя мэйнстрыму партыі.
Каментары