Vadzim Prakopjeŭ pra połk «Pahonia»: Kalinoŭcy prapanavali nam prademanstravać žyvučaść u kankurentnaj baraćbie
Były restaratar, a ciapier arhanizatar biełaruskaha vajskovaha padraździaleńnia «Pahonia» va Ukrainie Vadzim Prakopjeŭ u intervju telekanału «Biełsat» raskazaŭ, chto kamanduje padraździaleńniem, jak arhanizujecca jaho zabieśpiačeńnie, kali jon pojdzie ŭ boj i jakija adnosiny z bataljonam Kastusia Kalinoŭskaha. Pierakazvajem asnoŭnyja momanty z hetaha intervju.
Pavodle Prakopjeva, padraździaleńnie «Pahonia» niadaŭna praviało na ŭkrainskim palihonie bajavyja strelby z vykanańniem taktyčnych zadač, vyvučeńniem materyjalnaj častki pravił stralby z roznych vidaŭ zbroi, a taksama adpracoŭkaj evakuacyju paranienych i nadańnie miedyčnaj dapamohi. Zaniatki pravodzili ŭkrainskija instruktary-frantaviki.
Płany stvaryć ceły biełaruski połk u Prakopjeva nie źmianilisia, choć pra kankretnuju kolkaść u im ciapier ničoha peŭnaha nie havorycca. Prakopjeŭ razvažaje, što tyja ludzi, jakija pravodziać navučańnie na palihonie — heta muskuły padraździaleńnia, a akramia ich jość jašče mazhi, funkcyi jakich — zabieśpiačeńnie vyviedki ŭsich vidaŭ, zbor i analiz źviestak navakolnaj abstanoŭki, arhanizacyja i ŭzajemadziejańnie ŭsich vidaŭ zabieśpiačeńnia i płanavańnie bajavych dziejańniaŭ. Mazhi ŭžo, maŭlaŭ, pabudavanyja, a ciapier zastajecca naroščvać muskuły.
U bajavych dziejańniach padraździaleńnie pakul što ŭdziełu nie brała, taki dośvied majuć tolki asobnyja bajcy. Kali padraździaleńnie budzie hatovaje da bajavoha zładžvańnia — vyznačać ukrainskija instruktary.
Što tyčycca kamandavańnia ŭłasna padraździaleńnia, to z samaha pačatku, jak śćviardžaje Prakopjeŭ, zroblena staŭka na prafiesijnych vajskoŭcaŭ, u šerahach «Pahoni» słužać aficery biełaruskaj armii, jakija z roznych pryčynaŭ i ŭ rozny čas ź jaje zvolnilisia.
Sam Prakopjeŭ bačyć svaju rolu jak arhanizatara. Jon viadzie štabnuju rabotu, pracuje z presaj, vyrašaje pytańni zabieśpiačeńnia. A taksama čytaje kurs anhlijskaj movy dla bajcoŭ padraździaleńnia, bo siarod inšaha zapłanavanaja praca i ź instruktarami z ZŠA.
Pieršapačatkova połk utrymlivali Prakopjeŭ i hrupa jahonych siabroŭ-biznesoŭcaŭ na ŭłasnyja srodki, ale ciapier, jak jon ličyć, padraździaleńnie prademanstravała svoj patencyjał, tamu ŭ chutkim časie možna źviernucca da patencyjnych fundataraŭ, kab jany dapamahali finansava.
Što tyčycca abjadnańnia z bataljonam imia Kastusia Kalinoŭskaha, to Prakopjeŭ nie vyklučaje situacyi, što ŭ niejki momant dva padraździaleńni mahli b abjadnacca, i pieramovy adnosna hetaha viaducca. Ale padychody ŭ ich adroźnivajucca.
Prakopjevu kalinoŭcy prapanavali prademanstravać žyvučaść u kankurentnaj baraćbie.
Nahadajem, što pra pačatak farmavańnia biełaruskaha pałka «Pahonia» Vadzim Prakopjeŭ zajaviŭ 30 sakavika. U paviedamleńni havaryłasia, što połk stvarajecca ź biełaruskich aficeraŭ dziela abarony niezaležnaści i terytaryjalnaj cełaści Ukrainy. Pavodle Prakopjeva, «Pahonia» ŭvachodzić u skład mižnarodnaha lehijona USU.
Stała zrazumieła, čamu kiraŭnik biełaruskaha Ernst&Young nie zmoh asabista raźvitacca z kalektyvam4
Kamientary