Boj stahodździa: Mask i Cukierbierh pahadzilisia pazmahacca ŭ kletcy. I heta nie žart
Dva samyja viadomyja ŭ śviecie technałahičnyja miljardery — Iłan Mask i Mark Cukierbierh — damovilisia pazmahacca adzin z adnym u tradycyjnaj kletcy dla bajoŭ źmiašanych adzinaborstvaŭ. Mask kinuŭ vyklik, Mark padniaŭ palčatku.
Mask apublikavaŭ paviedamleńnie ŭ tvitary, što jon «hatovy da bojki ŭ kletcy» z Cukierbierham. Na heta Cukierbierh, kiraŭnik Meta, maciarynskaj kampanii fejsbuka i instahrama, apublikavaŭ skrynšot tvita Maska z kamientarom: «Paviedamicie, dzie sustreniemsia».
Pradstaŭnik kampanii Meta skazaŭ Bi-bi-si, što «hetaja historyja ŭ tłumačeńniach nie maje patreby».
Na pytańnie Cukierbierha Mask dasłaŭ adkaz: «Aktahon (vaśmikutnik) u Viehasie».
Aktahonam jakraz i nazyvajecca śpiecyjalnaja abharodžanaja arena, na jakoj prachodziać bai, jakija ładziacca arhanizacyjaj Ultimate Fighting Championship («Absalutny bajcoŭski čempijanat»). Jana znachodzicca ŭ Łas-Viehasie (Nievada).
Iłan Mask, jakomu ŭ kancy hetaha miesiaca spoŭnicca 52 hady, taksama napisaŭ u tvitary: «U mianie ŭ zapasie jość vydatny pryjom, jaki ja nazyvaju «morž»: ja prosta lažu na svaim supierniku i ničoha nie rablu».
Jon taksama napisaŭ u tvitary: «Ja amal nikoli nie trenirujusia, akramia taho, što časam padchoplivaju svaich dziaciej i padkidvaju ich u pavietra».
39-hadovy Cukierbierh užo daŭno zajmajecca źmiašanymi adzinaborstvami i navat vyjhravaŭ turniry pa džyu-džytsu.
Abmien paviedamleńniami pamiž Maskam i Cukierbierham nieadkładna staŭ virusnym: šmatlikija karystalniki sacyjalnych sietak abmiarkoŭvali, chto ž ź ich moža pieramahčy ŭ hetym bai, inšyja publikavali miemy, u tym liku i zmadelavanyja płakaty, jakija rekłamujuć hetuju bitvu.
Budučyja kankurenty?
Meta zajaviła ŭ červieni pra płany stvaryć tekstavuju sacyjalnuju sietku, paklikanuju skłaści kankurencyju tvitaru.
Ideja ŭ tym, što karystalniki Instagram, jaki naležyć Meta, adrazu mohuć stać padpisantami tych ža akaŭntaŭ i ŭ novaj tekstavaj sacyjalnaj sietcy.
Patencyjna heta moža dazvolić kampanii pryciahnuć padpisčykaŭ z decentralizavanych płatformaŭ, takich jak Mastodon.
Pradstaŭnik Meta paćvierdziŭ, što płatforma znachodzicca ŭ raspracoŭcy. Tearetyčna jana moža skłaści Twitter bolš surjoznuju kankurencyju, čym BlueSky abo Mastodon.
Stała zrazumieła, čamu kiraŭnik biełaruskaha Ernst&Young nie zmoh asabista raźvitacca z kalektyvam4
Kamientary
nie dajet