Kružełku z aŭtohrafami Uładzimira Mulavina i inšych muzykaŭ «Pieśniaroŭ» pradajuć za 1500 rubloŭ
Na dysku zapisany hałoŭnyja chity lehiendarnaha kalektyvu.
Na «Kufry» źjaviłasia abjava: płaścinku z aŭtohrafami Uładzimira Mulavina i muzykami ansambla «Pieśniary» pradajuć za 1500 rubloŭ, zaŭvažyła «Kamsamołka».
Pradaviec piša, što stan viniła vydatny, i dadaje: «Na adnym baku płaścinki ledź prykmietnaja vielmi tonkaja drapina. Płaścinka była padpisanaja ŭ Minsku. Aryjencirovačna — 1978-1980 hh. Bolš padrabiaznaja infarmacyja niedastupnaja, bo śviedka pamior u 2018 h.»
Na dysku zapisany hałoŭnyja šlahiery «Pieśniaroŭ»: «Kryk ptuški», «Vołahda», «Biełoruśsija», «Biełaviežskaja pušča». Taksama jość pieśni «Javar i kalina», «Da trecich pieŭniaŭ», «Pacałunak», «Pa vadu išła». Inakš kažučy, vielmi viadomy repiertuar.
Na adnym baku kanvierta — aŭtohraf Uładzimira Mulavina fłamastaram. Na advarocie — jaho ž podpis šarykavaj ručkaj. A taksama (z adnaznačna viadomych) aŭtohrafy pijanista kalektyvu Anatola Hileviča i vakalista dy altysta Valeryja Dajneki. Taksama la svajho proźvišča ŭ radku aŭtarstva pieśni «Pacałunak» raśpisaŭsia kampazitar Ihar Łučanok.
Kružełku pradaviec z Babrujska Mahiloŭskaj vobłaści acaniŭ u 1500 rubloŭ. Siaredni košt viniłavych dyskaŭ-hihantaŭ lehiendarnaha biełaruskaha ansambla «Pieśniary» składaje ad 3 da 85 rubloŭ u zaležnaści ad stupieni redkaści i zachavanaści. Tak, najbolš vysoka cenicca padvojny albom «Praz usiu vajnu» 1985 hoda.
U Minsku pradajuć kvateru Uładzimira Mulavina
Vyjaviłasia, što salist «Pieśniaroŭ» Leanid Bartkievič — rodzič adnaho z ajcoŭ BNR
U sieryjale pra «Pieśniaroŭ» zabluryli sceny z akcioram-kupałaŭcam. Prosta pahladzicie na hetyja kadry
Stary chit «Pieśniaroŭ» uvajšoŭ u saŭndtrek da kampjutarnaj hulni
«Biełaruskija pieśniary» śpiavali na «Błakitnym ahieńčyku» ź vinšavańniami Kisialova dy Sałaŭjova i žartami Pietrasiana pra Ukrainu
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»17
Kamientary