Asobnyja marki cyharet padaražejuć u Biełarusi ź pieršaha dnia 2024 hoda, vynikaje ź infarmacyi, raźmieščanaj na sajcie Ministerstva padatkaŭ i zboraŭ Respubliki.
Padaražeńnie budzie vielmi istotnym, pakolki z 1 studzienia pavyšajucca akcyznyja staŭki na tytuniovyja vyraby. Heta praduhledžvaje novaja redakcyja Padatkovaha kodeksa, jakaja ŭstupaje ŭ siłu z 1 studzienia 2024 hoda.
Cyharety marak «Minsk», «Mahnat», «Fest», «Premjer», Dove, Credo, NZ, Portal, Rigins, jakija vypuskajucca na fabrycy «Nioman», padaražejuć na 30-40 kapiejek. Niekatoryja vidy Pall Mall, Rothmans hetaha ž vytvorcy vyrastuć u canie na 30 kapiejek.
Cyharety, jakija vyrablajucca na fabrycy «Tytuń-Inviest», padymucca ŭ canie na 15-30 kapiejek. Bolš za ŭsio padaražejuć takija brendy, jak Kalipso, MAC, Lucky Strike. «Karona» roznych vidaŭ stanie daražejšaj na 15-25 kapiejek, «Fort» — na 25, Richmond — na 15-20 kapiejek, Camel — na 5.
Kampanija «Inter Tabaka» siarod inšaha pavysić košt marak Dove, Red Bor na 40-45 kapiejek.
«Biełaruśhandal» padymie ceny na niekatoryja vidy impartavanych u Biełaruś cyharet Rothmans na 30 kapiejek, a taksama na Chapman — «plus» 20 kapiejek.
Akramia taho, u studzieni ŭ prodažy źjavicca novaja marka — ESSE. Adzin pačak budzie kaštavać 6,8-6,9 rubla.
«U hateli staić achova tolki praz toje, što ty biełaj rasy». Jak biełarus pracavaŭ u Vjetnamie, Zimbabve i Filipinach9
Kamientary