Baranavickaje bavaŭnianaje abjadnańnie, u jakoje amal 30 hadoŭ ulivali sotni miljonaŭ dalaraŭ, pieradali aršanskamu lnokambinatu
Amal 30 hod Alaksandr Łukašenka šalonymi hrašyma ratavaŭ ad bankructva saviecki hihant — Baranavickaje vytvorčaje bavaŭnianaje abjadnańnie, ale hetaj jaho imidžavaj historyi pryjšoŭ kaniec.
14 lutaha BVBA pierajšło pad kiravańnie Aršanskaha lnokambinata. Heta rašeńnie, jak i papiarednija na kambinacie, padnosicca jak losavyznačalnaje ŭ žyćci pradpryjemstva.
«Dla tysiačnaha kalektyvu baranavickich tekstylščykaŭ pačaŭsia adlik novaha etapu ŭ historyi pradpryjemstva», — piša rajonka.
«Heta rašeńnie ŭzhodniena z kiraŭnikom dziaržavy, — źviartajučysia da tekstylščykaŭ, padkreśliła staršynia kancerna «Biellehpram» Taćciana Łuhina», piša «Naš kraj».
«Usio, što adbyvajecca ciapier, robicca tolki na karyść ludziej, dla raźvićcia pradpryjemstva», — skazaŭ mer horada Michaił Bacenka.
Abjadnańnie z aršancami kalektyvu patłumačyli tak: «Stratehija ŭzbujnieńnia tekstylnych pradpryjemstvaŭ — BVBA i Aršanskaha lnokambinata pryniata jašče z adnoj važnaj metaj: vychodzić adzinaj sietkaj na źniešnija rynki, pašyrajučy asartymientny rad. Biełaruski damašni tekstyl, pavodle słoŭ Taćciany Alaksiejeŭny, nie pavinien ustupić takim hihantam u vytvorčaści anałahičnaj pradukcyi, jak Kitaj, Uźbiekistan», — piša vydańnie.
Hienieralny dyrektar Aršanskaha lnokambinata Aleh Bujanaŭ skazaŭ, što na pradpryjemstvie treba, pa-pieršaje, «stabilizavać finansavy stan pradpryjemstva».
«Situacyja niaprostaja», — zaŭvažyŭ jon, nie nazyvajučy ličbaŭ.
«Zadača — vyjści da lipienia na rentabielnuju pracu, dać vynik», — dadaŭ jon.
«Pa pozirkach rabotnic było zrazumieła, što jany razumiejuć usiu surjoznaść situacyi. Jak i toje, što z prychodam na BVBA aršancaŭ u tekstylščykaŭ zjaviŭsia šaniec, zamihcieła nadzieja stabilna pracavać i dobra zarablać», — piša vydańnie.
Amal 30 hadoŭ dziaržava akazała ŭražlivuju dziaržpadtrymku baranavickamu BVBA, jaki nie moh vyžyvać u rynkavych umovach. Kambinat byŭ pabudavany ŭ 1960 hodzie dla patrebaŭ usiaho SSSR. Paśla razvału SSSR jon akazaŭsia niekankurentazdolnym.
U 1994-m na BVBA było kala 9 tysiač pracaŭnikoŭ. U 2001-m ich było ŭžo kala 5,5 tysiač. Ciapier — 1 tysiača.
Łukašenka trojčy byŭ na pradpryjemstvie, kožny raz dadajučy aptymizmu pracaŭnikam kambinata. Ale skončyłasia heta takim čynam.
Stała zrazumieła, čamu kiraŭnik biełaruskaha Ernst&Young nie zmoh asabista raźvitacca z kalektyvam4
Kamientary
haunianajabavaunianaje pradpryjemstva.